bath and body works shower gels

1:35 ص


هلا فيكم اليوم راح اتكلم عن 

bath and body works shower gels 



قبل 4 اسابيع تقريبا بدأت تخفيضات باث اند بودي وركس 
واذا كنتم متابعيني عالتويتر
 نزلت كم تويته عن وجود تخفيضات عجيبه في باث اند بودي وركس 
وصلت في الفتره الأولى
الى 50% وفي اخر اسبوعين وصلت الى 75 %ذ

طبعا رحلتي لباث اند بودي وركس كانت غريبه عجيبه 
 وكان من أغرب المحلات اللي قد دخلتها

 لما دخلت حسيت اني داخله معركه مو محل!....الناس منبهرين بالتخفيض 
أطفال  يصيحون ربع ساعه وأمهم تشتري ومو فاضيه تشوف وش فيهم 
 ناس يشيلون 10 علب حاضنينها بعبايتهم ... فجأه طراااخ!.. وحده كسرت 
شمعه! ...رجال وزوجته معهم كيس كبييير جايبينه من بيتهم
.. ويعبون فيه شموع وكريمات... فلبينيات شايلين  سلال مليانه عالاخير
وحده من شده الحماس طيرت لوشن وانكب على عباياتها وعبايات اللي كانوا يشترون جنبها!؟

طبعا هذا غير الكاشير 
طابور طويييل تقريبا تقعدين ربع ساعه الى ما يجي دورك 

تلقين ناس ما تعرف بعض من الطفش وقت الانتظار تبدأ تسولف مع بعض 

أعتقد التخفيضات تعطي الناس شعور بالألفه مع الأشخاص اللي حولهم
وبنفس الوقت تخلي مزاجهم أفضل بكثير من العاده

وحده من اللي ينتظرون قبلي لفت علي وقعدت تسولف وفتحت لي سلتها 
 وقعدت تقول لي وش رايك بهذا؟ ووش رايك بهذا؟
فتحت لي واحد من كريماتها وحطت لي بيدي وقالت شميه وش رايك حلو ولا أرجعه؟ 
حسيت وقتها ان مكتوب على راسي اسأل مجرب  هههه


عالعموم نرجع لموضوعنا 
شريت شاور جلز كان عليها عرض 
كانت ب 45 ريال وصارت ب12 !طبعا عرض ما يتفوت 



 بصراحه كثير من الأشياء المخفض عليها كانت مو حلوه وقعدت شوي الى ما لقيت شي عجبني 
حصلت الثلاثه هذولي حبيت ريحتها مره وبنفس الوقت حبيت سعرها 


1-Moon light path : 
 هذا المفضل عندي من الثلاثه ريحته على مسك ونااااعمه مره ريحته تحسسك بالاسترخاء وانتي قاعده بالشاور شي رائع ..1

2- Mango mandarin:
من الاسم جامع بين المانجا والأفندي اممم ريحه حلوه منعنشه فاكهيه وتعطيك انتعاش حلو بالشاور ..أخذته اكثر شي عشان سعره أحس لو خلوه فقط مانجا بدون أفندي كان احلى بكثير 

3- japanese cherry blossom:
هذا بزهرة الكرز الياباني ريحته كيووت وناعمه بصراحه أخذته لاني حسيت ريحته حلوه بس لما استعملته بالشاور طلعت الريحه احلى بكثيير ندمت اني ماشريت منه اكثر من حبه لاني رجعت اخذ منه بيوم ثاني بس لقيته مخلص 


كان عندهم انواع ثانيه تجي زي الكوليكشن كامله شاور جل وزبده ولوشن 
ريحتها حلوه ونااعمه 
لكن ما لاحظت عليها تخفيض فحسيت ان ممكن الواحد يشتريها في غير وقت التخفيض ويركز عالاشياء المخفض عليها بهالوقت 

الشاور جلز رغوتها حلوه ترغي بشكل كبير 
 ريحتها مره قويه بالشاور 
مو من الشاور جلز اللي تحسين ريحتها مو قويه او ما تبان ريحتها

حاليا العرض خلص يمكن من اسبوعين او شي زي كذا 

مكان الشراء 
صحارى -الرياض 

You Might Also Like

24 comments

  1. غير معرف2/06/2012 6:56 ص

    ههههههههه من جد انا كنت هناك ماقدرت ادخل للمحل لاني كنت قبلها في محل فكتوريا  شفت الهبال فيه يالله بس .., مشكوره حبيبتي ماقصرتي متابعينك ( toofy (

    ردحذف
    الردود
    1. من جد شي يروع تحسين انهم يوزعون ببلاش من قوة الزحمه اللي شفتها ..مشكوره حبيبتي عالمرور

      حذف
  2. I know what you mean half the shelves were empty LOL
    I really wanted to get candles
    :(

    www.obscurebeauty.net

    ردحذف
    الردود
    1. you didn't get any candles? there were many left when i was there, i guess you went there on the last day or something.. i was there a week ago they have new scents available but there back to the original price ..so i didn't get any of the new candles as they are originally really expensive

      حذف
  3. شكرا أخت تيفاني على الريفيو،
    دائما أشتري شمع و صابون من باث أند بادي وركس و أنصحك عزيزتي بالصابون السائل خاصة النوع Foaming، رائع و لا أستغنى عنه أبدا و نادرا ما أشتري البادي سبراي و لكني لم أجرب الشاور جيل بعد. هل يترك بشرة الجسم ناعمة؟ و هل تبقى رائحته على الجسم مدة طويلة؟

    زهرة الليلك.

    lilacandeverythingpurple.com

    ردحذف
    الردود
    1. فعلا شموعهم شي اخر تحسسك انك في حاله سعاده لما تشغلينها وتشمين الغرفه! مره روعه اما عن الصابون السائل ما كان متوفر في الفرع اللي ذهبت له.. كان ودي اجربه لاني اسمع عنه مدح كثيييير بس ان شاء الله راح اجربه بالمستقبل ..اما عن الشاور جل انا بشرتي جافه صعب علي اني القى شاور جل يرطب أو ينعم وخصوصا اني اعيش في منطقه جافه وماتطل على بحر او اي عوامل رطوبه..لكن بالنسبه للرائحه اي تثبت مقارنه بالاشياء الثانيه اللي جربتها ويكفي انك بالحمام تحسين بأحلى انتعاش ..شكرا عزيزتي على مرورك

      حذف
  4. السلام عليكم ،، معجبه جداً بلمدونة والفديو الي تقدميه كثير أستفدت منه الله يعطيك العافيه .. حابه أسألك إشتريت (كاب) مقشر للجسم معوف بس ما عرفت كيف أستخدمه !! وأقدر أستخدمه على الوجه وبعض المحلات الي تذكرينها والأغراض مش موجوده في مكة .. بحكم سكني في مكة ياليت تفيديني .. مشكوره

    ردحذف
  5. غير معرف6/26/2012 11:19 ص

    انا امس كنت فيه صراحه محل جمييييييييل بس المشكله كله انقلش ولاني عارفه حق ايش هذا وهذا حق ايش ف حبيت ادخل النت واقرا واروح لهم مره ثانيه قبل مايخلص التخفيض وفعلاً زي ماقلتي نفس الي شفته امس ، اتمنى صراحه اعرف عنه اكثر :( .. سبحان الله وبحمده سبحان العظيم

    ردحذف
  6. هل فيه فرع في جده لي هذا المحل ارجو الرد ضروري

    ردحذف
  7. واااااااااااااااو قمةة المتعةة لمى فتحوو المحل حريم يطحوون ناس تهاوش وناس تظححك المهم انا موظف المحل

    حسسيت انهم لدرجةة يكلونهاء اكل

    واللي تشيل فيعبياتها وكذاا والفلبينياتت قمةة في الروعةة عاد العن ولعن خخخخخخخخخخخخخخ

    المهم اللي تبي تحظر المعركة تجي شهر 1 ميلادي
    حياة مول

    ردحذف
  8. غير معرف8/23/2012 6:06 ص

    لو سمحتووووووله فروع بجده

    ردحذف
  9. غير معرف8/26/2012 9:38 م

    ممكن تعلمينا لما يصير تخفيضات في هذا المحل او غيره بليز

    ردحذف
  10. غير معرف8/31/2012 6:11 م

    مساء الخير
    لو سمحتوا اريد اعرف الشهور الي يسوا فيها عروض او تنزيلات
    مشكورة على الموضوع

    ردحذف
  11. غير معرف9/13/2012 5:25 م

    الياباني اظن انه كولكشن خاص (سقنتشر) لأني رجعت كم مره ابيه وكان مخلص للأسف وكان فيه ياباني غيره! بنفس الاسم .. عندك فكرة اذا بيرجع؟

    ردحذف
  12. غير معرف10/15/2012 4:25 م

    ان شاء الله راح يفتح في جدة في الصيرفي مول

    ردحذف
  13. غير معرف11/01/2012 2:29 ص

    روووووعه ودي اسال هل فيه هذا المحل في المدينه المنوره أو مكه أو جده

    ردحذف
  14. غير معرف11/19/2012 11:03 م

    ي الله المحل ايش اسسسسموا

    ردحذف
  15. غير معرف1/11/2013 8:22 م

    مشكوووورة قلبووو،،،يعطيك العافيه
    انا انسانه اموووت ع الشغلات ذي،صراحه استانست
    يوم دريت انه موجود بالرياض،،احنا الاسبوع الجاي
    بنروح للرياض و قلت لازم اروح لهه،،فـ ابغاكك اذا ما
    عليك امر تعطيني وصف دقيق لمكان المحل،،يعني بصحارى
    مول عند اي بوابه،،لانني ماني فاضيه افر فيه،،يدوخ،،
    ارسلي الوصف بمنشن او خاص ع حسابي فـ تويتر CuteEma56@,,انا مسوية لك فولو

    ردحذف
  16. معجبة بمدونتك وبقنآتك .. ��

    ردحذف
  17. أنا ابي منه ,, في فرع له فالمدينه او تاجرة توفرها لي ؟

    ردحذف
  18. غير معرف2/26/2013 8:51 ص

    موجود يا صبايا في المدينه بالراشد

    ردحذف
  19. غير معرف10/18/2013 5:42 ص

    باث اند بودي مافيه القصيم :""( , ممكن متجر باث اند بودي و فيكتوريا ؟

    ردحذف
  20. غير معرف3/07/2014 1:01 ص

    ابي تواريخ العروض ما عليك امر انا بالدمام وابي بالضبط متى لان شموعه تجنن وكل ما اشتري اتحسف انه شمعه تقعد معي فتره بسيطه وبسرعه امل منها انه تسير الريحه ممله وودي اغيرهاب100 رايال او ب99 المهم انه ميه يعني حرام والله ادفع فيها ميه ولها عروض تكفين ابي متى يكون عرضها بالضبط بالتواريخ الهجريه

    ردحذف
  21. غير معرف6/08/2014 2:27 م

    فتح بالمدينه بالراشد قريب من بودي شوب

    ردحذف