Beauty blender

5:06 ص

 هلا فيكم اليوم حابه اتكلم عن  ال

beauty blender 
أو 

البيوتي بليندر




ايش هي طيب البيوتي بليندر؟ 
هي عباره عن اسفنجه طريه ومو مضغوطه على شكل بيضه !تستعمل لدمج الفاونديشن او كريم الاساس على الوجه  

شلون استعمالها؟
تبللينها بالمويه وتعصرينها بحيث تصير نديه مو تقطر مويه! وبعدين تدمجين فيها الفاونديشن على الوجه 
عن طريق وضع نقط من الفاونديشن عالوجه وتدمجين فيها او وضع الفاونديشن على ظهر اليد وتحطين الجزء السفلي 
على الفاونديشن اللي بيدك وتنقلينه عالوجه وتدمجين وتكررين العمليه اكثر من مره على كامل الوجه 

طيب وش فرقها عن الاسفنجه العاديه ؟ 
بالنسبه لي حسيتها طريه اكثر من الاسفنجه العاديه اللي غالبه تكون قاسيه وماسكه نفسها 
 لكن بالنهايه كلهم اسفنجات 


:تجربتي معاها 
بالنسبه لي حسيت ان البيوتي بليندر مثلها  مثل الاسفنجات من بعض النواحي مثل
 أولا :
أنها تستهلك فاونديشن اكثر من الفرشه فهذا الشي مو بصالحي 
/= ! خصوصا ان الفاونديشن غالي واحب احافظ على كل قطره منه
 ثانيا:
 انها ما تناسب اللوك الدووي او الطري اللي فيه نداوة وتعطيك لوك مات او جاف
ليش؟
بما انها اسفنجه راح تشفط كل الطراوه من الفاونديشن الدووي او الطري وتترك اللون فقط 
فاذا كنتي شاريه فاونديشن دووي واستعملتيه معها راح يبان مات او بدون طراوه
انا شخصيا احب الفاونديشن يكون فيه نوع من الطراوه والنداوه عشان يكون اقرب للطبيعي 
 ويعطي منظر شاب للبشره اكثر من المات او الجاف اللي غالبا يكبر الوجبه والبشره تبان معه شاحبه وباهته 
 =/او بمعني واضح اكثر يطلع الوجه كنه مغبر  وأنا ما احب هاللوك 

لكن لو انا احب اللوك المات او الجاف وماعندي مشكله ان الاسفنجه تشفط كميه من الفاونديشن معها  وتخلصه علي
راح تعطيك النتيجه اللي حابتها لانها كشكل نهائي عالوجه حلوه وتعطي نتيجه كويسه وتدمج بشكل حلو 


: لكن حبيت نقطه فيها
 اللي هي دمج الكونسيلر
 دمجت الكونسيلر بشكل حلو والزاويه العلويه للبليندرساعدتنياني اوصل للمناطق الدقيقه بالوجه مثل حواف العيون وحواف الخشم بكل سهوله 


وبنفس الوقت 

ثبتت لي الكونسيلر تحت العيون عن طريق عمليه الضغط فما يصير يتحرك  وبنفس الوقت ما ينمسح وقت الضغط او يخف زي ما يصير اذا ضغطتيه باصابعك احيانا


مكان الشراء
هذي السفنجه أهدتها لي وحده من متابعاتي على تويتر
 Mai
لما سألتها تقول طلبتها من أمازون  اتوقع ب 22 دولار
 او شي زي كذا تقريبا سعرها بالموقع

لكن مدري اذا موجوده هنا او لا لاني ما دورتها




لتكبير الصورة الرجاء الضغط عليها *
اذا أعجبتك المدونه لا تنسين الاشتراك فيها لتصلك التحديثات بشكل مستمر* 

You Might Also Like

2 comments

  1. الأخت العزيزة تيفاني،
    شكرا على الريفيو و الشرح المفصل. هذا أول ريفيو باللغة العربية عن البيوتي بلاندر و الأويل بلوتن بيبرز كذلك. أشكرك على المجهود الذي تبذلينه لإفادة غيرك. إستمري نحن ننتظر منك كل ما هو جديد.

    مع السلامة
    زهرة الليلك.

    ردحذف
  2. غير معرف11/02/2013 9:03 م

    مرحبا عزيزتي ..
    شكرا لمجهودك أولا .. ماقصرتي
    لكن انا اختلف معك كثييير , البيوتي بليندر تخلي الوجه رطب وتعطيه مظهر ديوي لوك, تخلي الفونديشن فرش .. جربتها مع اكثر من منتج ..
    انا اوزع الفونديشن عالوجه اول وبعدين ادمجه بالبيوتي بليندر وهي رطبه , النتيجة جميلة
    كريم اساس متألق وبشرة نديّة ..

    ردحذف