clean and clear black head clearing cleanser

6:22 ص



هلا فيكم

 اليوم حابه اتكلم عن

 clean and clear black head clearing cleanser 
أو 
سائل مزيل الرؤوس السودا من كلين اند كلير 



 المنتج هذا مخصص لأزاله الرؤوس السوداء في المسام

  اللي نقدر نقول انها مشكله مؤرقه لكثير من الأشخاص 

 خصوصا انها من الأشياء اللي راح تستمر تظهر باستمرار حتى بعد التخلص منها
 وهي من الاشياء اللي تحتاج عنايه مستمره لمنع ظهورها مره ثانيه

لأن السبب الرئيسي لظهورها ان الزيوت اللي تتجمع في المسام تكتم المسام وتؤدي الى تجمع اوساخ في المسام 
خصوصا لو استخدمنا بعض الكريمات او المنتجات المخصصه بالتحكم بالزيوت راح تلاحظين انها تكثر 
 ليش؟؟...لانها تكتم الزيت اللي يفرز في المنطقه جوى وبعد فتره لما يجي الزيت يظهر لسطح الجلد 
 ويلتقي مع الاكسجين اللي بالجو راح يحصل نوع من الأكسده اللي تحول لون الاوساخ والزيوت المحبوسه داخل المسام
للون الأسود 

نرجع لموضوع منظف الرؤوس السوداء من كلين اند كلير 



كيفيه الاستخدام:
بعد غسل الوجه بالمنظف نبلل قطنه بقليل من المنظف ويتم مسح المناطق المصابه بالرؤوس السوداء فيه 

تجربتي مع المنتج:
بالنسبه لي كنت حاطه امال كبيره على المنتج هذا واستمريت استعمله لفتره لدرجه اني خلصت علبه كامله عشان اتأكد من رأيي بشكل صحيح ..خصوصا ان منتجات العنايه بالبشره تحتاج فتره تجربه طويله عشان الواحد يحكم على مدى صلاحيتها لبشرته او لا 

ريحته عاديه مو قويه مره زي التونر حق كلين اند كلير 


استمريت استعمله لاحظت ان المناطق اللي استعملته فيها صارت تدهن بشكل مو طبيعي!حسيت ان خشمي صار بركه زيت ؟؟
غريبه...مو المفروض انه يكون يعادل نسبه الدهون عشان ما تتجمع اكثر وتسوي البلاوي الزرقاء اللي اسمها رؤوس سوداء؟
عالعموم  استمريت عليه وبصراحه ...
ما شفت اي نتيجه ..نتيجه استعمال لصقات اللأنف تعطي نتيجه أفضل بمليون مره 
على الاقل الخشم يستمر نظيف وناعم لمده اسبوع 
واللي يضحك في الموضوع انه مكتوب عليه نتائج واضحه من اليوم الأول!..هممم طيب   خير ان شاء الله..والله لو انه سحر..
عالأقل قولوا شي يتصدق مثلا.. نتائج واضحه من الشهر الأول؟
أو اي شي يدخل المخ عالأقل..

بس عشان اتأكد أكثر من وجهه نظري وما أظلمهم بالمنتج حبيت اسأل أشخاص جربوا نفس المنتج قلت يمكن العيب ببشرتي 
 وكانت نتيجتهم مقاربه جدا لنتيجتي ووصفوا لي نفس الاعراض اللي تعرضت لها انا خصوصا من ناحيه زياده نسبه الدهون..

أنصح فيه؟
لا

لتكبير الصورة الرجاء الضغط عليها *
اذا أعجبتك المدونه لا تنسين الاشتراك فيها لتصلك التحديثات بشكل مستمر* 

You Might Also Like

10 comments

  1. غير معرف2/21/2012 7:06 ص

    فعلا صآدقه والله زمان كنت استخدمه ولا فادني بأي شي ! مشكوره يآقمر على معلومآتك وافادآتك :)

    ردحذف
  2. غير معرف2/21/2012 10:46 ص

    يعطيك العافيه على نصايحك
    أنا كمان لاحظت نفس الشي، بس التونر الأزرق من كلين أند كلير يشيل الرؤوس السوداء عندي، بس أنا لاحظت لما أستخدم كلين أند كلير الأزرق يومياً تصير البشرة مافيها مرونه، ما أدري كيف أوصف لك بس أحسها تصير كأنها مافيها زيوت أو أي نداوه. إن شاء تكوني فهمتي وصفي، فحبيت أسأل هل لاحظتي شي على التونر حق كلين أند كلير شي مثلي؟

    شذى

    ردحذف
  3. غير معرف2/21/2012 2:24 م

    اهلين اختي انا جربت غسول كلين جدا فاشل .. شكرا ع تجربتك

    ردحذف
  4. صح كلامك عندي ولسا العلبة كاملة يمكن إستخدمته كذا مرة يزود الدهون بشكل فظيع وحتى لمن أحطه ماأحسه يريح بشرتي عموما منتجات كلين ن كلير مرة ماناسبتني ..
    يعطيكِ العافية :)

    ردحذف
  5. غير معرف2/21/2012 2:48 م

    بالنسبه لي انا لي ماضي تعيس مع منتجاتهم..
    وبرضه لي ماضي مع الرؤوس السودا بمنطقة الاانف :(
    اللي استخدمه وجد له فعاليه ممتازه من اول استخدام ويقعد وجهي يلق نقريبا اكثر من اسبوع اللي هو صنفرة ستيفنز اللي بالخوخ.. استخدمها اثناء الشاور ولا خلصت من الشاور واثناء الحمام يكون كله ابخره والمسامات مقتوحه احاول انظف منطقة الانف عن طريق الضغط وبعد ماخلص احط لصقة المسام واذا فكيتها اغسل المنطقه بماء بارد واحط شوي نتفة فازلين ع المكان عشان يتسكر المسام. تحسون حوسه؟ لكن هذا اللي فاد معاي لان

    ردحذف
  6. غير معرف2/22/2012 4:34 ص

    مرحبا حبيبتي

    شفت لك فيديو قلتي فيه انو قبل ما تحطين الروج سوي تقشير لشفايفك ..

    كيف أعمل تقشير ؟؟
    و ايش هي المنتجات اللي استعملها ؟؟

    ردحذف
  7. غير معرف3/12/2012 1:39 ص

    ياريت تسوي ريفيو للمنظف الأزرق اللي من كليم اند كلير، اللي مايحتاج غسل بالمويه

    ردحذف
  8. انا ناسبني مره
    و خلال يومين او ثلاث بالكثير تختفي

    ردحذف
  9. مرررررا سيئ نفس تجربتي معاه :(

    ردحذف