البيبي كريم الكوري . جل زيتي . وازالة الرؤوس السوداء؟؟ موقع wishtrend

7:16 م

هلا والله 

اليوم جالسة اتفرج على موقع 

لقيت عندهم اشياء جديده وقلت خليني اسولف واقوللكم وش عجبني 
اللي يميز هالموقع انه يجيب منتجات تجميليه طايحين فيها بكوريا 
واغراضه محدوده ومن الماركات اللي صعب تلقينها بأي موقع ثاني 


عجبتني هالمنتجات وودي اجربها 



اول شي لفت نظري
liz color viel bb cream 
اي احد يعرفني يعرف ان عندي قصة عداء مع البيبي كريمات الكورية 
والسبب ان لونها دايم جاي ابيض ورصاصي 
وتصيرين كنك كاسبر او احد مرتاع 
وجهك رصاصي وقالب على مدري شلون 
كنك مريضه 
ما يعترفون بالدرجات 
بس اللي مسويه هالبيبي كريم 
ميك اب ارتست او خبيره مكياج مره مشهوره بكوريا 
تسوي مكياج لاغلب الممثلات اللي نشوفهم بالمسلسلات 
يعني وحده فاهمه بالألوان والدرجات مو خربوطه


وقالت ما ينفع سالفه البيبي كريم الابيض الرصاصي وبس 
لازم ننزل درجات طبيعيه تناسب كل الالوان 
فنزلت هالبيبي كريم 
سمعت ان تركيبته دووي او يعطي لوك صحي ولامع 
يعني عز الطلب لاني اكره شي الفاوديشن او البيبي المات او الناشف 
احسه يكبر الوجه ويصير الوجه كنه مغبر 
طبعا ما اقدر احكم عليه لين اجربه 


الشي الثاني اللي عجبني 
green gel oil 
هو جل زيتي مرطب للبشره بس ابدا مو دهني 
خلطه غريبه عجبيه صح؟ 
حتى انا استغربت المهم 
اللي جذبني اكثر شي ان فيه كولاجين 
تعرفوني اي شي فيه كولاجين احبه 


الشي الثالث اللي عجبني 

 Pore beauty nose pack & Comedo remover Set


مجموعه تشيل الرؤوس السوداء 
فيه زي الاله تطلع كل الرؤوس السوداء من الخشم 
وفيه لصقات وجل ينظف
بصراحه الصور اللي حاطينها تقرف 
ناس خشمهم كله ملياااان رؤوس سوداء وحالته حاله 
وصار ابيييض ويلمع ونظييييف 
بصراحه ابهرتني 
عاد ان شاء الله النتيجه تصير صدق مثل الصور 
مو خرابيط 

الموقع جميل ورايق
خذوا لفه عالشوب 
الشوب كوري 100% واغراضك تجيك من كوريا على طول 


هذا رابط موقعهم 
لتكبير الصور الرجاء الضغط عليها *


لمعرفة أماكن تواجد المحلات المذكورة في مدينتك زوري دليل التسوق *

اذا حبيتي المدونه واللي تقدمه لا تنسين دعمها و الاشتراك ومتابعتها لتصلك التحديثات*  


You Might Also Like

6 comments

  1. انااستخدم بي بي كريم من ايتود هاوس مرره يجنن و مايقلب رمادي على قولتك

    ردحذف
  2. غير معرف7/25/2013 9:36 ص

    طيب كم تكلفه الشحن لو سمحتي
    وهل يوصل على مباشره لسعودية .؟

    ردحذف
  3. غير معرف5/16/2014 10:57 م

    طيب أنا لما سجلت عندهم ما يوصل للسعوديه كيف وصل طلبك ؟!! وطريقة الدفع لو سمحتي

    ردحذف
  4. غير معرف11/03/2014 8:20 م

    ارجوو الرد ضروري حابه اطلب منه بس كيف طريقه الشحن هل يشحن مباشر مثل موقع اسوس بدون بريد سعوودي او لازم بريد سعودي وشكرا

    ردحذف