تقييم اسأل مجرب : سي سي كريم كلينيك الجديد CLINIQUE CC CREAM

9:38 ص

هلا والله 

اليوم بكلمكم عن اصدار جديد من كلينيك 

CLINIQUE CC CREAM 
أو
كلينيك سي سي كريم 



بما ان الحين صار فيه موضة جديدة وهي ال 
CC CREAM 

 لو ما تعرفين وشو السي سي كريم 
أو
 الفرق بينه وبين البي بي كريم 


كل شركة صارت تطلع سي سي كريم وتبدع وتخلينا نحتار وش نختار 

اليوم بقييم لكم 
سي سي كريم كلينيك
CLINIQUE MOISTURE SURGE CC CREAM

وهو يعتبر جزء مكمل من مجموعة 
Moisture surge 
 للعناية بالبشرة عند كلينيك

أهم خاصية في هالسي سي كريم
 انه يرطب 

وراح يناسب البنات اللي بشرتهم
 عادية الى جافة أو حتى مختلطة 

لكن ما راح يناسب البشرة الدهنية جدا 

عموما حسيت ترطيبه بنسبة معقولة
 مو من الأنواع اللي تدهن الوجه 

تحسين انه ترطيبه يجلس داخل البشرة
 بدون ما يبين مدهن أو يلصق

باختصار يعطي منظر صحي ورطب للبشرة
بدون لمعه زايدة وبنفس الوقت يوحد لونها بشكل طبيعي 

هنا شكله على البشرة قبل وبعد 

      BEFORE       AFTER 

      BEFORE       AFTER 

      BEFORE       AFTER 

      BEFORE       AFTER 

       BEFORE       AFTER         

السي سي  كريم 
جاي بدرجات مختلفة 
يعني مهما تكون درجتك 
بيضاء 
او 
سمراء 

راح تلقين الدرجة اللي تناسبك 
وهالشي حلو 

لأن قليل نلقى سي سي كريم مهتم بكل درجات الألوان 



نسبة الحماية من الشمس 
30 SPF 
نسبة حلوة مع اني فضلت لو انها كانت 
50 SPF 
خصوصا انه سي سي كريم وموجه للعناية بالبشرة أكثر 
لكن ممكن تحطين قبل ما تحطينه واقي شمس بالنسبة اللي تختارينها 

التقييم 

باختصار منتج حلو اقدر اقول انه منتج بيفيد 
البنات اللي يحبون شي سريع يضبط شكل وجههم 
ويبان طبيعي بنفس الوقت 
تغطيته طبيعية وخفيفة
لو كنتي من البنات اللي تحب التغطية العالية 
ما راح يكون الخيار المناسب لك 

تلقون السي سي كريم في كل 
محلات التجميل الكبيرة اللي توفر كلينيك 

مثل 
دبنهامز - سيفورا - الخ 

السعر 
150 


لتكبير الصور الرجاء الضغط عليها *

لمعرفة أماكن تواجد المحلات المذكورة في مدينتك زوري دليل التسوق *


اذا حبيتي المدونه واللي تقدمه لا تنسين دعمها و الاشتراك ومتابعتها لتصلك التحديثات*  

You Might Also Like

5 comments

  1. رااائع مره يسلموا ويعطيك العافيه

    ردحذف
  2. غير معرف11/26/2013 7:26 م

    جمييييل يعني ينفع اللى بشترهم جافة الى الحساسة ...؟
    لأني جربت تقريبا نص الكريمات اللي في الصيدلية
    ولكن للاسف ما نفع معي ولا اي كريم و غير كذا انه وجهي
    فيه حبوب .. اذا ينفع لوجهي ياليت تخبريني لأني خلاص طفشت
    جربت كل شي ولا نفع معي و المشكلة عندي مناسبة مهمة بعد الاختبارات
    و اتمنى مساعدتك
    و شكرا ...

    ردحذف
  3. لو سمحتي كيف اعرف نوعية بشرتي ودرجة لونها لاني قبل رحت لدكتور سليمان الملق وقالي مافش شي اسمه نوع بشرتي واستغربت سراحه ؟ ياليت تفيديني ممنونه الك

    ردحذف
  4. غير معرف12/28/2013 12:20 م

    أقدر احطه قبل كريم الأساس ؟ ولا

    ردحذف
  5. غير معرف8/08/2014 2:21 م

    شريته من دبنهامز اتوقع ب165 او 170
    استخدمه للدوام مره جميل تغطيته خفيفه ويعطي للبشره نظاره

    ردحذف