تقييم اسأل مجرب ! تعاون المغنية ريانا وماك!! RIRI LOVES MAC BLUSH DOU!!

6:48 ص

السلام عليكم 

اليوم جبت لكم تقييم جديد لمنتج جديد من ماك! 

كوليكشن 
RIRI LOVES MAC





الكوليكشن هذا من تعاون المغنية 
RIHANNA 
وبين 
MAC 

الميك اب اللي في الصورة باستخدام الكوليكشن كامل 
وواضح ان الكوليكشن بطل 
الميك اب جميل والألوان خريفية ودافية
والمنتج اللي بتكلم عنه استعملوه في هالصورة 


اليوم بكلمكم عن منتج من هالمجموعة 


RIRI LOVES MAC 
POWDER BLUSH  DOU 
HIBISCUS 




البلاش هذا جامع
 بلاشر 
وبرونزر
 بعلبة وحده 
وش أحسن من كذا ؟؟ 

البلاش لونه جاي 
بينك بطيخي 
ما عندي مثل هاللون في الكوليكشن حقي 
واقدر أقول انه جمييل بقوة 
والبرونزر أحلى
 لونه حلو وانا شخصيا استعمل برونزر 
بشكل مستمر عشان يعطي وجهي ابعاد
 ويعطيني منظر برونزي حلو 


طبعا مو بس تقدرين تستعملينها لحالها 
تقدرين تدمجين اللونين مع بعض بالفرشة 
واقدر اقولكم اني حبيت الخلطة أكثر شي! 
عطتني لون غريب وجميييل 
مشمشي على بطيخي على برونز 
لما استعملته جتني اسأله كثير من اللي شافوني يوم حطيته 
وش البلاش حقك اليوم!؟؟ 
اذا سمعت احد يمدح شي جديد عندي ويبي يعرف اسمه 
اصير احبه اكثر .. انتم مثلي؟؟ 


شكله من جوه شي يجنن 
عندي هوس بالبودرات المحفور عليها شي 
صدق انه يضيق صدري اذا استعملتها
 عشان اللوقو والحروف تنمسح 
بس يكفيك شكلها اول ما تفتحينها 
يعطيك احساس ثااني 


طبعا الشكل مو بس عجبني من جوه 
عجبني من بره بعد 
يكفي ان لون العلبه روز قولد 
وهو من الألوان المفضلة عندي 
ومكتوب عليها بالبينك ؟ 
اقدر اقول انكم عرفتوا تجيبون راسي ! 

الدوو بلاش نزل في موقع ماك 
والحين 
SOLD OUT 
او مخلص نهائيا من الموقع أول الأيام اللي نزل فيها  
واضح ان عليه طلب وشعبية كبيرة 

لو رحتي السوق مري على ماك وشوفي المجموعة عالطبيعة
يمكن تناسبك 
المجموعة ليميتد اديشن او مجموعة لفترة محددة 
تنزل واذا خلصت ما عاد ترجع 

السعر 
120 
ريال 


لتكبير الصور الرجاء الضغط عليها *

لمعرفة أماكن تواجد المحلات المذكورة في مدينتك زوري دليل التسوق *


اذا حبيتي المدونه واللي تقدمه لا تنسين دعمها و الاشتراك ومتابعتها لتصلك التحديثات*  

You Might Also Like

3 comments

  1. غير معرف11/18/2013 9:19 ص

    طيب يا قلبي انتي من وين شاريتها و اذا انها من تاجره عطيني حسابها لان جد نفسي فيها :(
    يا كثر ما تنزل عروض ليمتد ب ماك وأكون ابيهاا بس تجي وتروح وانا مدري عنها :(

    ردحذف
  2. غير معرف11/18/2013 11:13 ص

    تتشرف ذي بودي شوب المنطقتين الشرقية والوسطى بدعوتكم لحضور "فعالية المدونين" يوم الخميس الموافق 21 نوفمبر بمعرضنا بمول "غرناطة" بالرياض، وذلك للاحتفال بإطلاق أحدث عطورنا وايت مسك سموكي روز.
    يرجى تأكيد الحضور بمراسلتنا على العنوان البريدي التالي: Hossam@althomad.com مع رابط المدونة الخاصة بكم واسم صاحبة/صاحب المدونة.
    وسوف يتم تقديم هدايا قيمة للمدونين الحاضرين من شركتنا تقديرا منا لجهودكم في التدوين وتلبية الدعوة.
    وشكرا جزيلا مع تمنياتنا لكم بالتوفيق

    ردحذف
  3. ما ادري ليش احسها لذيذة للأكل ��
    شكلها مرة جمييل

    ردحذف