أجمل مفاجأة ~ كلام من القلب best surprise! heart to heart ~

9:13 ص

السلام عليكم 

اليوم التدوينة بتكون شي قريب من قلبي 
مفاجأة من انسانة عزيزة علي 



شبكة اسأل مجرب 
كملت
سنتين ونص تقريبا
بدأت 
في 
11-9 -2011
وكانت اصعب مشوار اتخذته 
لكن يستاهل التعب لانه عرفني على أجمل بنات 

طبعا المفاجأة كانت من بنت عزيزة علي ومن أقرب الناس لي اللي شافتني من بدايتي في اسأل مجرب 
يوم كنت ولا شي 
طبعا الموضوع صار بالويكند بس توني افضى أنزله

أول شي انا كنت مصدومه وش السالفة الموضوع كان مفاجأة 
وانا انسانه اتوتر اذا حسيت فيه شي أحد مخبيه عني 
تبدأ تجيني مليون فكره تروع 
مدري انتم مثلي ؟
يبدأ الشيطان يرقص فوق راسي ويخليني اتخيل ان السالفه كبيرة وكلن ما يبي يعلمني ..المهم الحمد الله بالنهاية 
طلعت هالمفاجأة 


ما يحتاج اقولكم الفلم الهندي اللي صار يوم شفتها 
انا شفتها من هنا و 
وااااااع
 بدى انفجار الدموع صارت فضيحة هههه 
مع اني مو من النوع الدلوع اللي يصيح على اي شي 
او يبالغ بالحركات هذي 
بس تأثرت مره 
خصوصا انها شافتني من يوم كنت صفر لليوم 
وشافت كيف تطورت كشخص 
حتى شخصيتي تغيرت للأفضل ونضجت أكثر معكم 

طبعا هنا جاء مقطع الفلم المؤثر لما قريت هالتذكار 

وبديت اصيح اكثر ... كلام قليل بمعاني كبيرة 
أثر فيني أكثر من أي شي ممكن اتخيله 

شكرا حبيبتي من كل قلبي على أجمل هدية 
وأحلى مفاجأة اللي ما كنت متوقعتها أبدا
وعلى دعمك ومساعدتك لي خلال هذا المشوار الصعب
مستحيل أنساه لك أبدا 
والله يقدرني اني أرده لك بالمستقبل 
وبكون جنبك وداعمة لك في أي شي تقررين تسوينه 

طبعا هنا الكيكة اليوتيوبية الجميلة مع الشموع 
ودي أحنطها أحس حرام أكلها وأخربها هههههه
اشوى ان الكميرا كانت جنبي عشان اصور الحدث لكم 



تلاحطون 
قليل ما افتح لكم حياتي 
وكثير ناس تشوفه غرور 
بس الفكرة اني مو هنا عشان اوريكم حياتي 
ولا هذا هدفي في شبكة اسأل مجرب

هدفي 

اني اسوي دليل يساعد البنت انها تتسوق بكل سهوله 
وقبل ما تتسوق تكون فاهمة وش تبي ووش كل منتج يسوي 
عشان تختار من خلاله اللي يناسبها 
وتروح السوق وهي " فاهمة " وش كل منتج يسوي 

كثير يعتقدون اني لما اتكلم عن منتج اني ابي الكل يشتريه 
بالعكس تماما انا ابي الشخص المناسب يشتريه فقط
لأنه في النهاية كلنا طحنا بمنتجات شريناها 
واكتشفنا انها ما تناسبنا 
لأننا ما كنا ندري تناسب مين 
فأنا اختصرت عليكم هالخطوة 
بحيث تجون تقرون المدونة وتشوفون الفديوات وتفهمون وش اللي يناسب احتياجاتك 
 واهتماماتك وبشرتك وستايلك الخ 

اعتقد لو كنت فتحت حياتي لكم  بالبداية 
بيكون فيه فضول لمعرفة اشياء كثير عني 
وبيكون فيه تهميش للشي الأهم وهي المنتجات 

الصراحة انا ما بديت المدونة عشان اشتهر كشخص 
وهذا الشي اللي للأسف اشوفه في كثير من المدونات 
نبي الشهرة كشخص
وهالشي استغربه ...انا ابي عملي يتكلم عن نفسه قبلي 
افرح اذا سمعت احد قال خلص المنتج 
لأن اسأل مجرب تكلمت عنه 

أو مبيعاته زادت لأنه طلع في البرنامج والمدونة 
 أو تعلمت معلومات فادتني
 وصرت اروح السوق فاهمه وش احتاج 

أو صرت افهم كيف استعمل الميك اب 
واعتني بنفسي وبستايلي وشكلي الخ 

لأنه هذا هو انجازي اللي حلمت انه يصير 

ليش ما قلت اسمي بالبداية ؟ 

قلت لنفسي 
ما راح اقول اي شي عني وببدأ باسم مستعار 
اسأل مجرب 

مجربة 
اسم عطيتوني اياه لاني أجرب المنتجات 
واحلى اسم على قلبي 

قلت متى ما شفت ان اسمي وشغلي صار يتكلم عن نفسه 
وصار هو المهم وهو اللي الناس تحكي عنه 
راح يكون الوقت المناسب اللي أبدأ فيه اتكلم عن نفسي 
وأفتح لكم قلبي 

وهالشي صار قبل كم فتره لما عرفتوا اسمي 
وصرتوا تنادوني فيه 
صدق انه غريبه اسمعه لاني تعودت على مجربة بس مو مشكلة 

انتم حبيتوني كبنت ما تعرفون عنها اي شيّ 
مستوعبين؟؟ 
انا مو مستوعبة 

كنت افكر اقول هم صدق يحبوني ؟ ولا يحبون اللي اقدمه وبس 
لين صرت اذا تعبت تسألون عني 
واذا غبت تدوروني 
واذا تضايفت تفزعون معي
 قلت بنفسي مستحيل يكون هالشي بسبب اللي اقدمه بسّ! 
صار فيه علاقة بيني وبين المتابعات اجمل من أي علاقة ممكن تكون في أرض الواقع 
علاقة اخوية 
كذا اشوفها ,, اشوفكم كنكم خوات لي 

اذا شفت منتج على طول افكر فيكم . شفت محل فتح جديد افكر فيكم 
صار كل شي انتم 
 .. بس تستاهلون من جد 

شكرا على كل شي 
مو كلام .. فعلا شكرا 
انتم غيرتوني للأفضل .. صرتوا تساعدوني اني اطمح أكون افضل 
اني اعيش الشي اللي احبه انتم ما تدرون وش يعني لي هالشي 
الميك اب , التجميل , العناية . الفاشن 
انا اتنفس هالشي احبه وهو شغفي 

والدليل اني ما دخلت هالشي لشهرة لشخصي
 مثل كثير من اللي نشوفهم الحين 

هاليومين صارت سالفة البلوقر ترزز
 ولاهي اهتمام بالمحتوى ولا يحزنون الا من رحم ربي 

عشان لا نعمم اكيد فيه ناس جادة بالموضوع والله يوفقهم 
لكن هذا اللي يضحك انه كل شي عندنا ينقلب ترزز بقدرة قادر وليته على سنع 

انا عن نفسي اشوف اسأل مجرب شغلي 
زي ما نورة مدرسة وسارة طبيبة ومنيرة مترجمة 
رنيم 
بلوقر / يوتوبر 

اقوم اشتغل عندي ساعات عمل اطول من ساعات العمل المحددة للشخص العادي 

لدرجة اني ما انام كويس من كثرة الشغل 
ماعندي ويكند زيكم أشتغل على مدار الأسبوع 
والراحة الوحيدة اللي أخذها تكون اذا أخذت اجازة 
كل كم شهر أسبوع أو اسبوعين بالكثير
وهالشي مو مبالغة 
الشغل قاعد ياخذ كثير من حياتي
المتابعة تشوف المحتوى جاهز ولا تدري كمية التعب الهائل اللي يصير وراء الكواليس وشو 

ما عندي نظام الترزز انه اوه شوفوني انا بلوقر انا كشخة 
عسى ما شر؟؟ 
فيه ناس تشوف البلوقر شي واااو حياة وردية 
بس لأني اتكلم عن منتجات 
انا انسانة مثلي مثلكم عندي مشاكل وهموم وش كثرها 
عشان كذا احب اشغل نفسي بالشغل قد ما اقدر
ونفس الشي عندي مشاكل بالشغل وضغط بالعمل وأمور كثيرة 
البلوقر واليوتوبر مب حياة وردية 
عمل مثله مثل اي شغل ان ما كان اصعب 
لأنك تتعامل مع ناس كثير 
وتواجه مستويات مختلفه في المجتمع واشياء كثير لو بنتكلم عنها ما نخلص

لكن 
انا ابي أطور شغلي وبس 
لانه هو كياني هو حلمي بالحياة 
وهو الشي اللي ابي اسويه في حياتي

اسأل مجرب 

كان حلم ...
وصار واقع 

وجاء بعد ستين ألف محاولة فاشلة بحياتي 
تعلمت من بعدها كيف أتطور 

خلال سنتين ونص تقريبا 
حاربت وبديت من تحت الصفر عشان أوصل لهالمكان ولسى باقي لي مشوار طويييييل 

لكن مهما كان المشوار صعب دعمكم ومحبتكم بيخليه جميل 
كنت أول بنت قررت تدخل هالمجال وما كانت شي سهل ولا كان شي معروف مثل الحين 
كان شي مستنكر ومستغرب 
وواجهت صعوبات كثيييرة 
لكن أنا مؤمنة برسالتي والشي اللي ابي اقدمه وكملت 

احب اشكركم على كل شي قدمتوه 
كل دعم من متابعة ولايكات ونشر لمحتواي 
والتعليقات الحلوة اللي اشوفها منكم 
وفزعاتكم اذا احد درعم علي 
ما تدرون قد ايش تعني لي 

ويارب اكمل هالمشوار الجميل معكم لسنين طويله قدام 


أحبكم 


You Might Also Like

81 comments

  1. جالسه اقرأ وابكي....مااعرف ليش..مجربه انتي انسانه رائعه واستفدت منك كثير اهتماماتك نفس اهتماماتي ...وشكرا

    ردحذف
    الردود
    1. ياحبيلك لا تبكين تكفين .. الله يسلمك ويسعدني انك استفدتي من اللي أقدمه ويارب تستفيدين اكثر بالمستقبل

      حذف
    2. غير معرف1/05/2014 11:20 م

      الله يوفقك .. انتي علمتينا أشياء كثيرة ادعيلك واتمنى لك كل خير

      حذف
  2. الصراحه كلمة شكرا ما توفيك حقك انا عن نفسي احب فيك تواضعك و عفويتك و استفدت مررررا كثيرررر منك و متابعتك من زمااااان.. الله يسعدك دنيا و آخرة

    ردحذف
    الردود
    1. ياحبيلك يسعدني مره انك من متابعاتي القديمات .. وتسلمين عالدعم من البداية ! =")

      حذف
  3. اهلين انا اتابعك وفعلا بستفيد منك الله يجداك خير وع فكره ترا انا زيك بلوقر وانا كمان ليا رساله
    حبيت البوست فعلا من القلب :)

    ردحذف
    الردود
    1. هلا بسميتي هههههه ويسعدني انك لك رسالة حلوة تقدمينها وانك ماخذتها بهالشكل والله يوفقك في مسيرتك حبيبتي ويسعدني انك تتابعين وتستفيدين

      حذف
  4. كنت اتبعك من بدايتك مره طحت عليكي بالصدفه باليوتيوب وجلست اشوف الفيديو وسويتلك سبسكرايب من كتر ماستفدت منك مره بنت باجتماع قالت انا من دون اسئل مجربه ولد انا ماعندي اخوات او احد يعلمني عرفت منها كتير بقلبي قلت ماشاء الله يابختك يامجربه الناس قديش تحبك وتدعيلك جات فكره ببالي انها ممكن تكون او تعتبر صدقه جاريه لانك بتعلمي علم ❤❤❤❤ الله يوفقك يارب ويديكي قد نيتك الحلوه زيك

    ردحذف
    الردود
    1. ياحبيلك والله ويارب يعتبر صدقة جارية ويكون علم ينتفع به ويفيد أي بنت تحتاج نصيحة أو معلومة أو فائدة ومشكوره ياقلبي على دعمك من البداية وأسعدني جدا تعليقك وكلامك

      حذف
  5. صباح الخير " مجربة "

    إن قالوا ان عدم الخوض بالحياة الشخصية ( غرور )

    عادي بسيطة >>>> [ لكي حق إنك تغتري إن أغتريتي ]

    ما دامك بهذه الأخلاق العالية >>>> فل تكوني مغرورة

    ردحذف
    الردود
    1. يسعدك ربي حبيبتي شهادتك اعتز فيها والله

      حذف
  6. أهلين مره ثانيه
    ما أعرف اذا مر عليكي من MAX FACTOR جديد لسنة 2014
    فونديشن CC
    هدا التوب لاين لهدي السنه و أحسن من BB
    تغطيته ممتازة بكميه قليله
    حبيت أقولك عليه يمكن لسه ما شفتيه
    فياريت تجريبه و تعطيني رأيك

    ردحذف
  7. ودي اجي ركض لمتس واخمتس ,,,,فديت قلبتس وروحتس ياشيخه ,,انتي ماتدرين وش غيرتي فينا ,,صرنا ستايل وصرنا نعرف اسماء الماراكات والمكياج ونسولف مع الناس بثقه ونبدي ارائنا بالمنتجات بثقه حتى لو ماجربناه بس لاننا سمعناك تتكلمين عنهن ,,اسلوبي في الكلام صاير يشبه اسلوبك ,,كل الناس تقول مرررة واضح اني تطبعت فيك ,,احب كل شي فيييييك ويارب مايوقف بوجه طموحك شي ويوفقك ربي ويسعدك وين ماكنتي

    ردحذف
    الردود
    1. هههههههههههههههههههههه ياحبيلك والله وشي جدا يسعدني اني قدرت أأثر فيك وأساعدك في هالأمور ..
      واعتبر الخمة وصلت =(^_^)=

      حذف
  8. انتي شي جمممميل <3 <3

    ردحذف
  9. لو تدري قد ايش استفدت منك ... مرة احبك واحب هدفك واحب انك ما تبينا ندخل في حياتك هذا اهم شي اني انا كمتابعه ابى اعرف ايش الشيء المفيد ما همني غيروه من جد مجربه اتمنى انك تكون كذا وما اباكي تتغيري احس كذا احلى مرة احبك وشكرا على كل شيء❤❤

    ردحذف
    الردود
    1. تسلمين حبيتي أفراح واهم شي اني قدرت افيدك وأساعدك وتستفيدين وبحاول قد ما اقدر اساعدكم في المستقبل واتكلم عن كل المنتجات في السوق

      حذف
  10. ماشاء الله عليك وانا كنت من متابعينك في بدايتك واستفدت كثير

    صدقك وإخلاصك خلاني استمر في متابعتك

    الله يقويك

    ردحذف
    الردود
    1. تشرفني متابعتك وأسعدتني كلماتك تسلمين حبيبتي

      حذف
  11. غير معرف1/05/2014 3:10 م

    يازينك زيناه يامجربه ويازين قلبك ويازين كل اللي تسوينه وتقدمينه ، انتي فعلاً شرفتي البنت السعوديه وقدمتيها كافضل فتاة ، ملتزمه بسترك وباسلوبك المحترم الشيق مع الجميع وفوق كذا تجيبين الزبده والفايده المستخلصه بدون زيادة كلام وبدون مجاغه ، اكككره شي اشوفه المجاغه والدلع الزايد والهرج الماصخ وكثرة الكلام لاني اعتبرة قلة ادب صراحة ، فانتي قاعده تقدمين شي مفيد وبشكل سلس ومبسط ، واحب اتابعك واشوف اخبارك واتفقدك كل فتره ومن اول المتابعين كنت لك ، صحيح اني على الصامت بس اللع يعلم مكانتك بقلبي ♥ ، من زمان ودي اقول هالكلام بس ماحصلت فرصه وهذي احسن فرصه للكلام ، كذلك لاحظت انك حزينه جداً من اول مره سمعت صوتك باليوتيوب * انا عندي حاسه سادسه واعرف اللي قدامي من نبرة صوته * فما اقول الا الله يشرح صدرك ويسعد قلبك ويرزقك اعلى المراتب والدرجات بالدنيا والاخره ،كذلك اللي تحبه ام شويشه لازم حنا نحبه هههههههههههه ياحبي لك انتي وياها ياشيخه @ranoshi11

    ردحذف
    الردود
    1. مشكوره حبيبتي على أجمل دعوة وعلى كلماتك الجميلة اللي فعلا أسعدتني . وانك حابه اللي اقدمه وتشوفينه شي مفيد لك معناته وصلت راسلتي
      هههههههههههههه ام شويشه يازينها والله فعلا تجنن وأحبها من كل قلبي واعتبرها من اجمل الصداقات اللي تعرفت عليها من خلال تويتر

      حذف
  12. يازينك مشاعرك وكلامك يدخل القلب��
    أنا من متابعينك القديمين لي تقريبا سنتين أتابعك أحبك وأحب فديواتك وأستفدت منك كثييير واثق في المنتج الي تقولين عنه علطول لانك تقولين المنتج الزين والي أنتِ جربته مو عشان دعاية وهذا الشي الي خلاني أثق في كل شي تقولينه واشتريه من دون ما أفكر
    فالله يجزاك خير على كل الي تسوينه والله يسعدك ويوفقك وييسر أمرك ويحققلك كل أحلامك وطموحاتك وأكثر مما تتمنين ويطول في عمرك ويخليلك احبابك ويروقك الجنة بلا حساب ولا عذاب يااااااارب��
    بقول شي بعد أنتِ من الناس الي ودي اشوفهم احس اني أعرفك من كثر ما أتابع مقاطعك بس ما أعرف شكلك وكثير تخيلته��

    ردحذف
    الردود
    1. يسعدني انك تابعتيني من البداية وأتشرف فيك حبيبتي وكلماتك أثرت فيني وأسعدتني ومشكوره على دعوتك الصادقة
      وما تدرين يمكن بيوم قريب تشوفوني وأشوفكم

      حذف
    2. السلام عليكم
      كيفك يشهد الله اني احبك في الله
      الله يسعدك ويوفقك كثر مااستفدت منك بالمكياج
      واكرر لك شكري
      شكرا لك الله يوفقك

      حذف
  13. ربي يوفقك ويسعدك قد م اسعدتينا انا متابعه قديمه جدا لك ع الصامت وياكم مره نشرت قناتك م لاني بججد استفدت منها وحبيت صدقاتي وقرايبي يستفيدوون انتي للحين ف المسار الصح وهذا يعتبر انجاز ودليل صدقك وأمانتك لأن كثير يدخلون هالمجال بأمانه بس بعد الشهره يتحولون لدعايه لمنتجات مو ثقه ع حساب متابعينهم

    ردحذف
    الردود
    1. تسلمين حبيبتي على نشر المدونة وانها افادتك انتي وقريباتك وصديقاتك ومشكوره انك كتبتي هالتعليق الجميل اللي فعلا أسعدني

      حذف
  14. غير معرف1/05/2014 5:44 م

    عادي ابكي .. يارب يوفقك و اسمع عنك اخبار حلوة في القريب العاجل ان شالله ,, انتي شي جميل مرررررره ,, احس كذا ودي نجتمع كلنا يامتابعينك ونسوي لك مفاجاة << بس مين يجمع ذولا كلهم ماشاالله تبارك الرحمن :)
    الله يوفقك من قلبي اقولها يااجمل بلوقر

    ردحذف
    الردود
    1. لا تكفين لا تبكين =( .. مشكوره على الدعوة الجميلة وانتي الجميلة والله وكلماتك الحلوة تدل على ذوقك وطيب أخلاقك

      حذف
  15. غير معرف1/05/2014 6:08 م

    انا من متابعاتك من السنه اختي عرفتك اول شي تقول فيه بنت عندها مدونه والبنت فله مرررررررره وتشرح عن المكياج والخرابيط هاذي ماكان لنا خبره فيها ابدا بس استفدنا منك كثثثثثثثثثثثثير يارب الله يجزاك الف خير ويوفقك ويسهل لك امرك :"""") صدق احسن شي فيك انك ماتطلعين حياتك الشخصيه وش لك بالازعاج اصلا واحسن عشان الناس تركز على الشي اللي بتعرضينه على قولتك

    ردحذف
    الردود
    1. يسلمك ربي انتي واختك سلمي لي عليها واهم شي انك استفدتي حبيبتي ويهمك محتوى القناة والمدونة 3>

      حذف
  16. غير معرف1/05/2014 6:20 م

    ثاني مرة اكتب التعليق و يطير ��
    عزيزتي مجربة ( انا ماعرف الا هالاسم رنيم ماعرفها ههههه )
    و الله تابعتك من اول بداياتك في ٢٠١١ و كنت من مشجعاتك في الخفاء ،، ماقد تكلمت معك الا يمكن ريتويت لفيديواتك كل مانزلتي واحد جديد �� و فعلا كنت مؤمنة انك بتوصلين لهالمرحلة و اعتقد توه قدامك نجاحات اكبر و اكبر ، ماشاء الله تبارك الله كنتي سباقة في هذا المجال و اسلوبك و عفويتك هي اللي كانت مفتاح لقلوبنا ، لانه صدقيني مهما كانت المعلومات مفيدة مستحيل نتابعها الا لو كانت طريقة ايصالها مميزة
    معناها احنا حبيناك انتي قبل ما نحب المعلومات �� و استفدنا منك كثير لدرجة صرتي جزء من روتيني الاسبوعي،و غالبا اشوفها الصبح بالسيارة و انا رايحة الدوام ��
    كلامك هذا دخل قلبي و حسيت انه الانسانة اللي سوت لك هذا الشي كأنها سوتها عن كل متابعاتك اللي اعتقد يبون يسوون كذا لك تعبيرا عن الشكر و العرفان لانك تساعديننا بدون مقابل مننا �� شكرا شكرا قد السماء
    متابعتك : بثينة

    ردحذف
  17. انا انسانة من يوم تبعاتك صرت اهتم مرة في نفسي
    حتى اللي حولي استغربوا مني !
    احس شخصيتي تغيرت للأحسن 3>
    شكرا لك مررررة
    متابعتك : سارة

    ردحذف
  18. الله يجزاك كل خير ان اذا بغيت اطلب شي لازم اقول لم امي اسال مجرب مجربة وبعدين توافق أحببببببببببببببببببببببببببك 3>

    عاد عارفة ان عندي شغف ان اعرف اسمك لم قلتي ان في ناس عرفوا اسمك شوي ولا اصيح لان اتتابعك من زمان وللحين ما عرفت اسمك :(

    ردحذف
  19. غير معرف1/05/2014 9:24 م

    ي لبي ي مجربة أطيب من قلبك م فيه الله يوفقك بحياتك ويسعدك من جد نادرين اللي مثلك آستمري وربي استفدت منك كثير م تتخيلين قد أيش استمتع وأستفيد من كل اللي تسويه ❤️❤️❤️

    ردحذف
  20. دمعت عيوني و انا اقرا..
    حبيبتي مجربة انتي ماتدري قد ايش افدتينا ..انا يدوب اتابعك صار لي سنة تقريبا و في هالسنة اتعلمت واستفدت منك اشياء اكثر من السنين اللي فاتوا.. مع انه عندي اخوات بس ماحد فادني زيك
    و انتي يا عسل ربي معطيكي قبول سبحان الله الواحد غصبن عنه يصير يحيك.. مش بسبب معلوماتك لكن بسبب اسلوبك الراقي في الكلام و طرح المواضيع غير انك تترفعي عن الرد على اللي ما يقدروا اللي بتسويه
    و صدقيني انتي مهما كانوا اعدائك كثار فجيش محبين مجربة اكبر و اكثر باضعاف مستحيل يسمحوا لاحد يتعدى عليكي بكلمة ...
    كلام كثير ودي اقوله لكن الكلام عن الطيب صعب يخلص
    بس اعرفي ان كلنا نحبك و نعتبرك اخت لنا و مقدرين كل اللي تسويه
    و يارب يوفقك و تحققي اللي تحلمي فيه و اكثر لانك طيوبة و حبوبة و صادقة .. تستاهلين كل خير ياقلبي

    انا افتخر اني اقول مجربة بنت بلدي و فخر لبنات البلد

    الله يعطيكي العافية ويرزقك من حيث لا تحتسبين

    we love you and we always got your back <3
    you're the best..Ranoom :)

    على فكرة انا حافضل اناديكي مجربة لاني اتعودت عليه ... :)

    متابعتك الممتنة لك:
    تغريد

    ردحذف
  21. الله يسعدك و يوفقكك ياااااارب والله احببببببكك

    ردحذف
  22. غير معرف1/05/2014 10:21 م

    من جد انا مرة مرة مرة تتأثر ودمعت الله يوفقك يارب صراحة انتي أكثر انسانة استفدت منها الله يجزاك خير على كل التعب إلي تعبتيها على القناة

    ردحذف
  23. السلام عليكم
    مدري ابدأ بشنو بجد لساني يعجز عن التعبير ***غنية عن التعريف الله يعطيك العافيه عنجد ماقصرتي تعبتي كثير بس استفدنا منك كثيييييييييير كلمة شكرا قليله ف حقك بصراحة حبيتك مررا تجنينن :* اسلوبك تعاملك عفويتك كل شي وانا لي يمكن من سنة تقريبا وانا اتابعك بس الحين ادمنتتتت دايم ف الانستقرام تويتر يوتيوب بلوقر اشوف جديدك شي اساس ومرررررررا شكرا ومنها للاكثر يارب والى الامام بنظل معك
    طبعا اسلوبي مدري كيف جاي هههههه بس مدري شقول :X
    محبتك :
    @saudiattractive

    ردحذف
  24. غير معرف1/05/2014 10:36 م

    احس مافيه كلام ينفع ينقال بعد كلامك .. يازينك ♥ بس بقول اللي بخاطري هههههههه
    والله دايما ادعي لك، مو بس عشان استفدت منك شخصيا، لا عشاني اشوفك تقدمين شي البنات صدق محتاجينه وقاعدة تنفعين الناس! ♥
    اللي تسوينه شي مو سهل وبنات كثير مايفكرون أصلا يسوونه! تعبك هذا عمره ماراح يضيع والله..
    أنا مثل كثير من البنات ماأعرف شي بالميك اب ولا أعرف المنتجات وأشياء كثير، بس مرة طحت على قناتك بالصدفة وحبيتها من أول مرة! وعقبها صرت اتابعها وكل البنات اللي اعرفهم علمتهم عليها حسيتها كنز والله! ♥
    أتابع كثير يوتوبرز عربيات وأجانب بس أنت أكثر شي يعجبني بهالمجال، مستمرة تقدمين الشي اللي أنت بدأتي عليه.. مرات قريباتي او بنات اعرفهم يطلبون مساعدتي بشي يخص المكياج أو هالأشياء، اشرح لهم وأساعدهم وبنفس الوقت اقولهم لازم تشوفون قناة اسأل مجرب لأنها تساعدكم بكل شي وتشرح كل شي بالتفاصيل وإنسانة فاهمة ايش تقول!
    أنا كمتابعة لك مايهمني أعرف تفاصيل حياتك الشخصية، أنا استفيد منك وأقدم لك الدعم ويكفي هذا الشي، إلا بحالة أنت حبيتي تتكلمين طبعا بنكون صديقاتك ♥♥ لكن حنا حبيناك بدون مانعرفك ولا يهمنا نعرف أكثر لأن اللي نشوفه يكفي!! ♥
    (ما انكر انه مرات قلت لصديقتي نفسي اشوف مجربة ونقعد نسولف هههههههههه)
    أهم شي إنك تستمرين على ما أنت عليه ودائما تكونين مجربة اللي تطمح للأفضل وتقدم كل اللي تعرفه وتقدر عليه... صدقيني أنت تقدمين شي أكبر مما تتخيلينه
    ربي يكون معاك ويوفقك ويسهل كل أمورك ... ونحبك ♥

    ردحذف
  25. الله يوفقك .. خطوة كبيرة اتخذتيها ونفذتيها.... والحين كثير ناس مستفيدين من الشي اللي تقدمينه حتى لو ما اعترفوا بهذا الشي ..
    شكرا لك

    ردحذف
  26. الله يوفقك .. كلامك جميل وأسعدتيني ..انا من متابعينك القدما يمكن من أول عشر أشخاص شافو اول فيديو لك اتذكر حدثت صفحه هيلب ميك اب بالاقلاع ولقيت لك رد بعد ردي ع طول وصصصصارروخ فتحت الرابط حبي لك والله .. انتي من الناس اللي يلهموني بالحياه .. قلبي معك

    ردحذف
  27. غير معرف1/06/2014 12:30 ص

    يا زينك يا مجربة كلامك أثر فيني.. حسيته طالع من قلب 3> انا تابعتك من سنة تقريبا استفدت فيها بشككككل خيالي اكثر من اي سنة فاتت.. اسلوبك في الطرح و طريقتك وتعاملك مع البنات هو اللي خلانا نحبببك اكثر واكثر حتى لو ما عرفنا عنك شي ، احنا نحب مجربة نحب اسلوبها وشخصيتها و روحها الطيبه ، انتي فخر للبنت السعودية من جد من. جد احس مادري وش اقول بس اتمنى لك كل التوفيق والنجاح وكل شي تتمنينه يصير يارب
    * قللووب الى بيتكم *
    متابعتك : أثير ..

    ردحذف
  28. بجد انتى تجنني انسانه ذوق وفاهمه وجدعه استمري وهييجي يوم وهيبقى ليكي علامه فى الوطن العربي ان شاء الله عشان شغلك مش هين ابدا انا عارفه

    ردحذف
  29. كتبت كل كثير مره )": بس طار علي بس مايهون علي ما ارد عليك.
    انا اسمي رنا , 20 سنة :
    متابعتك من بداياتك و لاحظت التغيير الكبير اللي صار بك , انتِ انسانة طموح و مكافحه .
    لان نيتك صادقة , بدون اي شيء حبيناك بشكل كبيرّ .
    اتااابعك بشكل غير معقول اعيد حتى المقاطع اللي شفتها ؟ صح اني ما اشترك ولا ارد و اعلق ..الخ < تكتب من حساب اختها :$
    بس كثير احكي عنك و اثق بكل شيء تقولينه و تنصحين به .
    كل ماشفت شيء اقول مجربة قالت عنه و ذا حلو و ذا لا *اعيد.كلامك*
    احب عفويتك و اسلوبك الشرح و بساطتك , لما اتابع شخص ثاني يعقدني بالانقلش المعوق حقهم ):
    بس انتِ جدًا بسيطه و هرجك يجنن . و ثلاث ارباع المصطلحات عرفتها منك
    فرحتنا فيك صدقيني اكبر من فررحتك فينا , استمري خلينا نشيب مع بعض .
    متابعتك قبل ما احمل و اجيب نونو و النونو صار عمره 8 شهور$
    نحبك كثير , ربي يزيدك و يرزقك و يسعدك قد ماتسعدنا و تساعدينا
    بس طال عمرتس$
    *يارب.تردين*

    ردحذف
  30. غير معرف1/06/2014 8:42 ص

    اهلين مجربه نحنى والله نحبك ونفقد فديوهاتك لدرجه كل كم يوم اشيك نزلتي شي وﻻ ﻻ ﻻن بجد اسلوبك حلو وعفوي وكلامك مفيد تختصري علينا جهد وفلوس ممكن تضيع في منتجات ما تناسبنا وترى كل ما اشوف فيديو واستفيد او اسالك في تويتر وتردي والله ادعيلك من قلبي ﻻنك تساعديني كثير ...الله يوفقك في حياتك ويرزقك من فضله ويستر عليكي زي ما سترتي نفسك ماشاء الله حتى ظفرك ما يبان استمري وكلنا معاكي ونتابعك

    ردحذف
  31. غير معرف1/06/2014 8:48 ص

    ريي يسعدك ويوفقك دنيا واخرة ويفتح لك ابواب الرزق ويكفيك شر خلقة
    أنسانه ذوق ومحترمه وانتي من اللي استفدت منهم كثير

    ردحذف
  32. ربي يسعدك و كلامك اثر فيني
    انتي سر سعادتي :-) وكل ما اسمع صوت او اقرأ كلامك احسي نفسي مرتاااحة وسعيدة
    تستاهلي كل خير ♡_♡

    ردحذف
  33. غير معرف1/06/2014 6:28 م

    ياعمررررررررررررررررري انتي قسم بالله أثر فيني كلامك ويالله يارب يسعدك ويوفقك ويعطيك اجرك بكل شي قسم بالله قبل ما أعرف مدونتك كنت ما اعرف للميك اب ولا الاشياء حقت الجسم والشعر الحين الحمد لله سرت اهتم بنفسي وهذا كله بفضل الله ثم انتي :)
    الله يوفقك ويسعد ويحقق لك اللي ببالك يارب

    ردحذف
  34. غير معرف1/06/2014 6:48 م

    مدري ليه انوجع قلبي وانا اقرا ! بحياتي كلها ماستفدت ولا من مدونة وفيديوهات زي تبعك قلت لصحباتي واهلي كلهم عليك لين عمتي الي في الخمسينات تشوفك ! انتِ حاجه جميلة والله وماتدري قد ايش افتدتينا وماتدري قد ايش الدعوات الي بتجيكِ لمن تقوليلنا على شي ويناسبنا تفكي كربة والله بزات في حكاية المكوة والشغلات دي , والي مايشكر الناس مايشكر الله كلمة شكراً قليلة في حقك كتيرر شكراً من صمصومة قلبي ياقلبي انتِ جعل ربي يحبب فيك خلقو والحصى بأرضو ..

    ردحذف
  35. طيب عادي اقول شي ، سويت حساب باليوتيوب عشان اشترك بقناتك من ثالث او رابع فديو نزلتيه اكتشفتك وبسررررعه سجلت عشان مايفوتني شي ، مره شكرا لك *ورده*

    ردحذف
  36. الله يسعدك مجربة أكثر وأكثر
    المحبة سر من الله
    وكانت نيتك صادقة واخصلت وربي عطاك أكثر مما تتمني
    انا كمان متابعة قديمة ,, أذكر اكتشفتك مرة وانا ابحث عن احد يتكلم عن البايو اويل ههههه
    ومن يومها صرت اتابع كل جديدك
    فرحااانة جددا انك وصلتي لهالنجاح
    ويارب يارب من هذا لأكثر وأكثر كمان
    إلى أن جي اليوم اللي تصير فيه مجربة ماركة
    ويكون شعارها رسمة البنت في الهيدر ههههه

    بالتوفيق حبيبتي
    كملي واحنا معاك

    ردحذف
  37. مساك ورد .. اكثر شئ اقدر اقوله كثر الله من امثالك وجزاك عنا كل خير
    واسعد قلبك وجعل حياتك كلها راحة يارررب
    والله مرجعي انتي في كل شئ حتى ان حبيت اتصدق عن نفسي واعشي اهلي من يدي هههههه
    ربي يسعدك دنيا واخرة ويجعلنا ويجمعنا في جناته

    ردحذف
  38. كلااامك مررررة مؤثررر وبنفس الوقت جميييل ويحكي قصة نجااح لك وحسيت انه يعطي العالم امل ويزيد حماسهم في الاشياء اللي يطمحوون لها ♡♡..انا متابعة لك من زماااان واستفد منك فوق ما تتوقعين والحين ابي اقولك مرررررررة شكرا انتي زي ما اتغيرت حياتك غيرتي حياة بنات كثيرين معك وانا اولللهم .. الله يوفقك ويسعددك ويحقق لك كل اللي تتمنيه ♡♡♡...

    ردحذف
  39. والله انك تجنييييييين وصحيح مو بس عشان اللي تقدمينه لانك فعلا حبيتينا وانا والله ادافع عنك ماعليك من المحبطين اعداء النجاح...ربي يوفقك وتشوفين احلامك واقع واجمل من ماتتصورين...

    ردحذف
  40. حبيبتي مجربه انا من زممان عرفتك بسس توني قبل كم اسبوع بديت اتابعك بسس ورربي انك تستاهلين ككل خيير من جد حبيتك واستفدت منك كثثثثثثثثثثيير لان من جد كثثثثير اشياء مااعرفها لان ماعندي خوات بسس من يوم ماتابعتك علمتيني كيف اقدر اهتم بنفسي وان شاء الله كل اللي شفته في فديوهاتك ويناسبني بطبقه ههههههههههههه حتى ماما طفشتها بفديوهاتك بس حتى هي كثيير حبتك الله يسعدك دنيا واخره ويجمعني فيك بجنات النعيم

    ردحذف
  41. غير معرف1/09/2014 2:00 ص

    انا أمووووت عليك و اعشقك و اعشق اسلوبك انا متابعه لك من اول ما ابتديتي تعلمت منك كثيرررر وصرت اعلم اهلي و خصوصا آمي عن الاشياء اللي استفدتها منك

    دايما ادعي لك وكل ما اروح اشتري ميك اب ااو كريمات عطور اتذكرك

    ربي يوفقك ويسعدك وتستمر قناتك الى الابد

    ردحذف
  42. من علامات محبة الله للعبد أن يلقي محبته بين عباده
    لم تصلِ لداخل قلوبنا فحسب، بل غدوت نجمة نهتدي بها في سماء الجمال والآنوثة؛ كيف لا وأنتِ قاسمتنا حلوى تجاربك ()!
    نقتفي خطاك، نثق باختياراتك..
    منذ انطلاقاتك الأولى وأنا أتابع جمالك، وأشاركه مع أحبتي بصمت، حتى نضح إعجابي وبدأت بالمشاركة.. حتى أني أصاب بالخجل من كثرة تعليقاتي :$
    تستحقين أفراح الدنيا يا حلوتي أنتِ :*
    أضم اسمك كثيرا في دعائي :") ()
    يا أنثى بكامل عنفوانها، وأوج عبيرها، أحبك ()

    * تبا للاختبارات ما أعطتني فرصة أكون من أوائل المشاركات :(

    ردحذف
  43. غير معرف1/11/2014 4:47 ص

    مجربة ما أدري ليه دمعت لما قريت كلامك وكثير تأثرت فيك وبتجربتك ..يمكن لأني حاليا أحس بأقسى درجات الألم من الفشل وفعلا فعلا حاسة نفسي غبية وعبء على الدنيا ..بس جاء كلامك بوقته وحسسني إن ممكن الإنسان يحارب ويحارب لحد مايوصل للمكان اللي يطمح له ومو بس كذا ويوقف لا يستمر ..الله يفتحها بوجهك مثل ماغير كلامك بنفسيتي الآن

    ردحذف
  44. غير معرف1/11/2014 8:20 ص

    ربي يوفقك ويسعدك دنيا واخر وييحقق طوحك
    كل مااحتار بشغله اجي واشيك واقطع الشك باليقين
    شكرا لك كثير مجهود واضح لايحرمك الاجر يارب

    ردحذف
  45. ياحياتي انتي تستاهلين اكثر ما عمرك قصرتي معانا الله يسعدك ومن جد نحببببك

    عسانا ما ننحرم منك يا احسن بلوووقر ويوتوبر بالدنيا

    ردحذف
  46. مجربه ي جميله آقسم بالله اني احبكِ
    تصدقين انا متابعتك من زممان يمكن من بدايه 2012
    بس متابعتك بصمت دام اشوف فديوهاتك لما ماتنزلين اقول وينها =( ؟
    ياخي انا صرت كذا حافطتك حافظه وش تحبين وكذا
    تحبين المانجو والمنتجات الي فيها ريحه مانجو :$
    تحبين الريحه النظيفه كذا ريحه نظافه :$
    تحبين الشمووع هههههههه احس بيتك ريحته شموع ><"
    تحبينن الميكاب الهادي و الناعم وتسذا ..
    تحبين انك تسوين الاشياء بنفسك وذا لحضته لما نزلتي سلسله سويها بنفسك :$
    وتحبين الورود وذي الاشياء ..~
    واشياء كثثيرررهه ياخي حفظتك صمم .. $
    يمكن هذا اول رد لي بالمدونه بس انا دام دام ادخخل المدونه واقرى الي تنزلينه وش تقولين
    واغلب المكياج و العنايه وكذا .. اغلب الاشياء اشتريته من مدحك انتي :)
    المهم انا احبك بس تصدقين للحين ماعرفت اسمك :) ♥

    ردحذف
  47. صراحه مجربه أنت أفضل يوتيوبر سعودية وعربية موجودة لأنك تقدمين بأمانة وتعطيننا الزبدة في موضوعاتك و فيديوهاتك اللي نبغا نعرفه بالضبط عن منتج معين وكل تفاصيله وماتضيعين الوقت في أشياء فاضية زي البعض عشان كذا الكل بيحبك وفي النهاية ذا الحب يشوقنا نتعرف عليك في الحقيقة لو شي بسيط >> دوبني عرفت أنو اسمك رنيم قلوب قلوب....
    وفي النهاية الله يوفقك في طريقك هذا وإن شاء تستمتعي فيه والكل يحبك ويتفيد منك وألف شكر مني لك ... متابعتك المخلصة أضواء :)

    ردحذف
  48. انتي انسانه اكثر من رائعه ومن جد اتمنى لك كل الخير ربي يسعدك ويوفقك بحياتك علمتيني انه مهما كانت الظروف هم او حزن في امل ان الواحد ممكن يطور نفسه بكل شي .. والله انتي ابطل انسانه وان شاء الله اكيد ببقى متابعتك على طول 3>

    ردحذف
  49. لي أقل من سنة أتابعك ، عرفتك عن طريق وحده من أقاربي ارسلت يوزك ع تويتر على أساس ان عندك معلومات حلوه عن الميك اب ، ماعطيتك وجه لان تويتر موب جوي :)
    بس مره دخلت اقلاع ولقيت كود لفيديو مصطلحات الميك اب كان بالنسبة لي نقله نوعيه لدرجة الفيديو كان ثلاث أجزاء جلست اشوف كل يوم جزء عشان افهم من قلب .. بعد ماشفت آخر جزء جلست أحوس لين وصلتك اتوقع أول فيديو شفته الظاهر انه يوم تروحين دايسو .. ههههههه حبيت عفويتك وصرت اتابعك يوتيوب وانستقرام وتويتر ..
    انتي بجد اختصرتي علي طريق طووووويل .. شكرا بقد طول هالطريق اللي اختصرتيه علي : )
    شي مره مخليني احبك وأقدر جهودك أنك مريحتني كمشاهده للفيديو .. ماتفرضين على ميك اب بلوك معين .. انتي تقولين لي مميزات وعيوب المنتجات من خلال تجربتك لها .. ماتقولين لي استخدمي الكريم الفلاني لازم تستخدمينه والا الشدو الفلاني والا غيره ..
    تدرين ان سعد لحظة في حياتي اذا شفتك مسوية لي ( تاق أو تنبيه ) انك نزلتي فيديو جديد ..
    صح ماعرف وش كثر تتعبين عشان تنزلين فيديو معين ..
    بس اذا جلست افكر فيك احس اني ممنونه لك .. تجربين أشياء كثيره عشان خاطر فولورز القناة
    ( مرره ضاق صدري عليك يوم جربتي منتجات لاش وأغلبها ماعجبتك )
    كونك ماتتكلمين عن حياتك هالشي مخليني احترمك وأشوفك منظمة وعارفه وش تبين ..
    شكرا مره أخيره رنيم :)
    الله يوفقك يارب واكيد راح نستمر بمتابعتك ،، ويمكن يوم من الأيام تشوفين فيديو ليوتيوبر تقول اللي حمستني ادخل هالمجال رغم صعوبته بالنسبة لي هي البلوقر/ اليوتيوبر : مجربه
    :)

    ردحذف
    الردود
    1. غير معرف1/19/2014 9:03 ص

      السلام عليكم
      رنيم ؛) يالله قد ماتخيلت اسمك ابداً ماخطر في بالي عن جد مجربة اتعودت عليه
      قناتك هذي ما اقدر اعد الفوائد الي بيحلصها منها
      سعاده وناسه معلومات مهمه منتجات اعرف بالضبط الي ابيه والي ما ابيه قبل ما اروح السوق
      عن جد انتي نورتينا الله على ذيك الايام التعيسه يوم نروح السوق ماندري وش نبي ومتورطين واخرتها نطلع دافعين مبالغ وبعد التجربه بالبيت نتحسف
      بلا مبالغه الشيء الي يعجبني من كلامك واقرر اجيبه نادراً جداً مايناسبني

      خليتي لتسوق الميك اب متعه كنت اطفش اتورط يوم نتفاهم مع الرجال زمان
      الان ادخل وانا واثقه اعرف وش ابي وش فيه مهما تكلمت الموظفه نادراً ماتقول شيء جديد او غريب علي

      شكراً لك بحجم السماء
      من زمان اتابعك واحب قناتك شيء روتين في حياتي
      ربي يوفقك ويسعدك ويحقق لك كل الي ببالك يارب

      وعقبال مانشوفك بالواقع ؛)
      تحياتي لك
      تهاني

      حذف
  50. غير معرف1/20/2014 12:12 م

    السلام عليكم .. رنييييم اخيرا عرفت اسمك ^^
    اولا صراحة كلامك مرا أسر فيا ومنجد منجد حسيت كأنك تقولي دا الكلام فيس تو فيس
    كدا يعني اقراه وانا مبسسوطة وابتسم كأن الكلام ليا كأنك تحكيني ههههههه << شي غريب ههههه
    لكن بجد يشهد الله عليا اني احبك في الله و كأختي الكبيرة
    ماشا الله عليكي مرا استفدت منك ومو بس احبك عشانك تفيدينا .. يعني زي ماقلتي سبحان الله الله خلق البشر عشان تكون بينهم محبة و ألفة و نخوة لبعض.. والقلب يحب ويرتاح للشخص حتى قبل مايشوفو..

    اهنيكي على جدارتك و اصرارك على النجاح
    احييكي من كل قلبي و ربي يوفقك ويكتبلك الخير فين ماكنتي ..
    و ترا انا اللي ارسلتلك اييميل عن الصور اللي مافتحو عندك فاكرة؟؟! ههههههه
    رجعت ارسلتلك تاني مرة بس مارديتي عليا حبيبتي

    وفي أمان الله^______^

    ردحذف
  51. غير معرف1/24/2014 1:31 ص

    انسانه جميله وتفتحين النفس مدري ليش احسك قريبه احسسك زي اختي احس ان كلامك العفوي مو بس اسمعه احس اني اسمعه وافهمه واحسه وكل شي حتى لما اشوف منتج قد تكلمتي عنه احس كلامك يتردد في اذني احس ان كلامك نابع من قلبك ومتأكده منه انسانه اتطلع كل يوم اشوف جديدك ربي يديم لك العافيه والصحه وتطورين لين تصيري اد الدونيا احب كل شي فيكي طموحك عفويتك طيبتك اصرارك واسفه على الرد المتأخر ربي يحميك

    ردحذف
  52. ياحسافه كتبت كلامك وطااار :(
    رنوومه .. كلامك اكثر فيني .. مو بس فيني فينا كلنا !
    انتي انسانه معطائه بوقتك وحياتك وخبرتك .. تحرصين توصلين لنا المفيد وتشاركين غيرك فيه
    متابعه لنا لك من البدايه واحب اشوف كل شي تعرضينه مسويه لك فولو بكل مكان ياخي احبك هههههه بس تراني الصامت بالاغلب
    استفدنا منك كلنا لو بمعلومه بسيطه قدمتيها لنا ,, احبك في الله تدخلين القلب وكل شي تسوينه يحببنا فيك اكثر واكثر .. كاتبه لك هاالكلام عشان نوريك محبتنا لك وقد ايش غاليه علينا انتي .. الله يسعدك ويوفقك <3

    ردحذف
  53. مجربه
    انا من الناس اللي كنت دايم اطب بالمكياج طبات مو حلوه وكنت مااحط مكياج احسبه مايناسبني لما تابعتك طبعا بعد توفيق من الله فرقت كثيييير وغالب مكياجي من اللي تمدحينه
    الله يوفقك ويجزاك خير حلو شي ممرره يفرح اننا نشوف نماذج زيك وفرحانين لك وبكل التقدم اللي سويتيه تراني عانيت وانا اكتب لك لاني اكتب وولدي يععضضني الله يصلحه

    ردحذف
  54. غير معرف2/02/2014 10:51 م

    سلام عليكم
    أنا لي سنة أتابعك مره استفدت منك ومن كلامك
    ومن زود اهتمامي في قناتك اتابعك في الجوالين علشان ما يفوتني اي حلقة تنزلينها ^-^
    دايم اتمنى تكوني قريبة لي او صاحبتي علشان يضايقني نبرة صوتك وانتي تتكلمين عن زعلك او ظروفك الصعبة او شغلك المتعب اتمنى اكون جنبك علشان اساعدك واخفف عنك
    أحبك في الله وربي يجمعنا في الدنيا على خير وفي الاخرة في جنات النعيم ويسعدك وييسر ربي لك كل امورك
    اختك/ أحلام الغامدي

    ردحذف
  55. الله يسعدك دنيا واخررة

    ردحذف
  56. غير معرف2/04/2014 6:31 ص

    يعطيكي العافيه
    تعلمت منك الكثير

    ردحذف
  57. غير معرف2/05/2014 2:55 ص

    مجربه أنا و أختي نتابعك ونحب فيديوهاتك كثيير ، أخﻻق وججججميلهه من جميع النواحي تعجبني طريقة تقديمك بعيدا عن التغنج ، و تصويرك ماشاء الله شي خيالي ، و مصداقيتك و خفة دمك و نحبك ل شخصك قبل كل شي ، يكفي إنك تحبين الخير للغير و تتعبين لأجل تسعدين ناس كثيرهه إنت شي جميل من جد ، الله يسعدك و ينفع بك ♡

    ردحذف
  58. غير معرف3/24/2014 6:33 ص

    حنا نحبك اكثر رنومتنا وصدقين مهما اتكلم واشرح واقوول الي بقلبي ماراح اقدر اوصف قد ايش ارتاح لمن اقرا كلامك وقد ايش اتضايق لما تتأخري عن الفيديوهات مو لاني بسفتفيد بس اكون خايفة يصير لك شي لا سمح الله وتاكدي ودي اتعرف عليك كانسانة مو بنت تمارس جزء من شغلها


    واحبك

    ردحذف