تقييم اسأل مجرب LANCOME hypnose eyes bouncy touch شادو السوفليه من لانكوم !!

9:09 ص

السلام عليكم 

اليوم جبت لكم تقييم جديد 
لاصدار جديد من لانكوم 

LANCOME hypnose eyes
 bouncy touch 



المنتج فكرته انه شادو كريمي 
بملمس جاف 

شي غريب صح 
قوامه مثل السوفليه قاسي من بره
 بس لما تلمسينه يتحول لشي طري وناعم
حسيتني اشرح حلى 


عجبني شكل العلب مره 
كبيرة يعني بيمديك تستعملين المنتج فترة طويييييلة 
العلبة قزاز يعني مو بلاستيك وهالشي حسسني بفخامتها أكثر 
وطبعا رمز لانكوم على الغطاء عطى العلبة شكل أحلى 
اتوقع صرتوا تعرفون
 ان تغليف المنتج وشكله من بره يلفتني مره 

نجي للمنتج وشكله من جوه وهذا المهم 


بالنسبة للمنتج فكرته وقوامة 
مثل السوفليه 
بتقنية
BOUNCY TOUCH 
وشو باونسي تتش؟؟ 
يعني اذا لمستيه تحسين انك تلمسين سوفليه أو بلونه 
هممم جالسة احاول اقرب لكم أكثر اللي احسه 

قاسي من برة وأول ما تلمسينه يدخل شوي ويصير طري 
شي غريب صح ؟؟ 

عجبتني التركيبه لأني من الناس اللي يزعجني الشادو الكريمي 
بسبب انه ممكن ينشف بسرعه او يحوس الدنيا 
أما هذا ثابت بمكانه وناشف لين تلمسينه 

والميزه الثانية اني ادهنه عالجفن وينشف ويصير قريب من شكل الشادو الباودر
طبعا الشادو هذا استخدامه سهل 
يمديك حتى تحطينه بيدك لو مستعجلة
 او لو ما عندك سالفه بالميك اب بيمديك تتعاملين معه 

لكن أهم شي تعرفينه ان هالمنتج فيه قلتر 
أو لمعة يعني لو ما تحبين القلتر ما راح يناسبك 
انا شخصيا احب القلتر وما عندي مشكله فيه 
أحسه حلو ويحلي شكل العين ويلفت النظر لها 
خصوصا لو كنت بستعمله للمناسبات وبسوي كات آي 
ممكن احط لون واحد عالجفن
 مع شوي تحديد لعظمة للجفن ببني بدون لمعة وانتهينا 

نزل منه ألوان كثيره 

Hypnose star eyes 
bouncy touch 
ST 211 

لونه غريب مره وطبيعي بنفس الوقت
بنفسجي فاااتح على بني 
قريب من لون 
taupe
بس على بنفسجي شوي 

Hypnose start eyes 
bouncy touch 
ST 301 

لونه حلو مره للوك السموكي 
اسود على كحلي على لمعة حلوة 
 بطل للمناسبات
وبيطلع أليم عالعيون المبطنه بالذات 


Hypnose doll eyes 
bouncy touch 
DO 111 

لونه فضي بس لما أحطه ما يطلع قوي كذا أبدا لا تخافون 
ممكن تخلينه قوي مره لو كثرتي بس انا اخليه طبيعي احط بشكل نااعم ويعطي اضائه للجفن مع قلتر
عجبني مع الكات آي

Hypnose drama eyes 
bouncy touch 
DR 2014 

اسود على اخضر غااااامق
 حلو لو دمجتيه مع درجات البني والترابي 


لو بتروحون السوق 
مروا على أي محل يبيع لانكوم وشوفوها
 والمسوها عالطبيعة وجربوها 
يمكن تعجبكم 

السعر 
100 

لانكوم موجوده في كل محلات التجميل الكبيرة 
دبنهامز 
وجوه 
باريس غاليري 
سيفورا 
فافافوم 

لتكبير الصور الرجاء الضغط عليها *

لمعرفة أماكن تواجد المحلات المذكورة في مدينتك زوري دليل التسوق *

اذا حبيتي المدونه واللي تقدمه لا تنسين دعمها و الاشتراك ومتابعتها لتصلك التحديثات*  

You Might Also Like

1 comments