تقييم اسأل مجرب لكوليكشن ماك MAC Holiday Collection 2013

5:22 ص

السلام عليكم 

اليوم جبت لكم ريفيو عن كوليكشن ماك الجديد 

Holiday Collection 




الكوليكشن نزل منه منتجات كثيييرة 
وأعتبره من أكثر الكوليكشنز اللي نزل فيها منتجات 
من 
بلاش مينيرالايز 
وأرواج 
وقلوسات 
وبقمنتس 
وشادوات مينيرالايز 
ومينيرالايز سكن فنش 
ومناكير 
وبينت بوتس 
وشادوات 
أقولكم المجموعة كبييييرة 

احترت وش اختار وقررت أخذ 

mineralize eyeshadow Captive 
creamsheen glass prepare for pleasure 


شكله أليم 
طبعا سرق قلبي من أول نظرة 
أنا من عشاق الشادو الذهبي واللؤلؤي 
اللون الأبيض في الشادو جاي لؤلؤي على أصفر 
قريب من فكرة شادو nylon 
من ماك لو كنتي جربتيه يشبه شكله 

والذهبي جاي ذهبي دافي حلو للوك البرونزي 
او لو تحبين الدرجات الذهبية والبرونزية عالعين مثلي 

اللي يميز المينيرالايز شادو عن غيره 
انه تقدرين تستعملينه بفرشه مبلوله أو جافه 
وغير كذا حجمه كبير يعني اعتقد بيخلص بعد 
84735938403940 سنه 

بالنسبة لي لما شفته قلت هذا انا 
أولا لأنه جامع لونين كل واحد أحلى من الثاني 

والشي الثاني اللي خلاني اتحمس له
 اني اقدر استعمله اضائة للوجه 
ولمدمع العين أو تحت الحاجب 
أو شادو عموما استعمالاته ما تخلص 
 يعني 10 في واحد 

السعر 
95 


نجي الحين لهذا الشي الرهيب 

القلوس هذا أحمر 
أدري وش تفكرون وع قلوس أحمر
وتخيلتوا انه أحمر بقوة ويلمع ومدري وشو 
أبدا 
القلوس هذا نااااعم مره مع ان شكله بالعلبة يخوفك منه 
اللون هذا عطاني لون أحمر ناااعم يمديك حتى تستعملينه بأي وقت وما يبين أوفر 
عطى شكل كيوت للشفايف 
عرفتوا اللي تحسون الشفايف حمراء بشكل ناعم بس موب اشارة مرور 
بالضبط كذا هالقلوس 

سويت كم تجربة
جربت تحته روج أحمر وطلع قوي ومناسب للمناسبات
وجربت تحته روج لحمي وطلع ناعم ونهاري
وجربت تحته تنت وطلع كيوت ومتدرج
وجربته لحاله وطلع خفيف وناعم لأي وقت 


ويمكن من أهم الأشياء اللي ميزت هالقلوس انه ما يلصق 
بعطيهم نجمة انهم طلعوا قلوس ما يلصق 
لأني ما احب القلوس اللي يلصق بزيادة 
انتم مثلي؟؟ 

احسها توترني
واذا جا شعري على وجهي يلصق بفمي!! 0_0
فجأة اذا جاء هواء
ألقى 20 شعرة لاصقة بفمي كني عنز تاكل علف 

المهم هالقلوس مب كذا ما تحسين فيه أصلا 

نزلت من المجموعة قلوسات بينك ولحمية لو تفضلين هالألوان أكثر من الأحمر

السعر 
95

اذا رحتي السوق هالويكند مري على ماك وشوفي الكوليكشن الجديدة يمكن تناسبك 


لتكبير الصور الرجاء الضغط عليها *

لمعرفة أماكن تواجد المحلات المذكورة في مدينتك زوري دليل التسوق *

اذا حبيتي المدونه واللي تقدمه لا تنسين دعمها و الاشتراك ومتابعتها لتصلك التحديثات*  

You Might Also Like

3 comments

  1. غير معرف1/08/2014 1:53 م

    مبدعه مجربه آستمري جداً عجبني الشدو ��

    ردحذف
  2. غير معرف1/09/2014 2:08 ص

    مريت ماك وشفت الكولكشن بس قبل لا اشوف مدونتك عجبني الشادو كثيررر

    بس برجع اخذ الفلوس لانو عندي مشكله مع القلوسات لان دايما تصلق اكثر شي لما اكون متغطيه يصلق بالشيله او شعري


    فديتتتك دائما مبدعه ,, ربي يسعدك

    ردحذف
  3. غير معرف1/15/2014 1:16 ص

    مبدعه دائما ارجو منك انزال فديو عن تصبغات البشره وحلولها

    ردحذف