تقييم اسأل مجرب لمجموعة كلينيك الجديدة CLINIQUE : ALL ABOUT EYES

9:42 م

السلام عليكم 

اليوم جبت لكم تقييم 
لمجموعة الشادوات الجديدة من كلينيك 

ALL ABOUT EYES 




مثل ما تعرفون ان كلنيك شركة كل منتجاتها مختبره طبيا 
ويمكن هالشي يناسب البنات اللي تكون بشرتهم أو عيونهم 
حساسة للميك اب أو ممكن يهيجها أي شي 


المجموعة نزل منها 
SINGLE SHADOW 
EYESHADOW QUAD 
EYESHADOW PRIMER



ALL ABOUT EYES 
-ANGEL EYES-
اللون جميل بينك لؤلؤي ..
 ما قدرت اقاومه ..طبعا تعرفوني انسانه 
ما اعترف بالاستخدام الواحد للشيء لازم احلله
واضح ان هالجميل بيكون شادو واضائة وجه واضائة تحت الحاجب واضائه لمدمع العين
تقريبا اكثر شي عاجبني فيه انه خفيف وفيه شيمر او اضائه ناعمه بدون قلتر قوي 
يعني يمديك تستعملينه بأي وقت وبأي مكان خفيف
 وما يعطيك لوك اوفر ابد فأستعمله اكثر شي بالصباح 

السعر 
100


ALL ABOUT SHADOW QUAD 
- ON SAFARI -

المجموعة يجي فيها أربع شادوات مع بعض بعلبة صغيره 
جديا العلبه صغيره مره يعني بطله للشنطة 
والألوان حلوة ..تعرفوني اعشق الألوان البرونزية والبنية 
وفيها لون اضائه  بس بصراحة ما عجبتني تركيبه هاللون ابد
كان ممكن يعدلونها شوي بس نقدر نقول ان الثلاث الوان الباقية اللي بالعلبة ممكن تشفع لهالغطله 

السعر 
160 


ALL ABOUT EYES PRIMER 

برايمر للعين من كلينيك 

عن نفسي علاقتي مع هالمنتج غريبه 
ما حسيته برايمر .. تقريبا حسيته اقرب للشادو الكريمي الخفيييف المات 
وما حسيت الشادو يثبت معه أو يسوي لي اي اضافه اذا استعملته مع الشادوات 
باختصار ما راح اقول انه منتج جيد .. 
كان ممكن يشتغلون اكثر على تركيبه قوامها
 كريمي وتثبت الشادو
 وبنفس الوقت يوفرونها بدرجات فاتحه 
لأن الدرجات اللي جايه فيها كلها من فئات البيج الفاتح والبني
 اللي غالبا ما نستعملها للبرايمر 
لأن من اهداف البرايمر انها تغطي لون الجفن تماما وتوحده ..بالاضافه انها تثبت الشادو 
لون مثل هذا ما شفت انه وحد لون الجفن 
ولا هو اللي ثقيله تركيبته و غير لون الجفن لبني غامق 

السعر 
120

كلينيك تلقونها في كل محلات التجميل الكبيرة 
وجوه 
باريس غاليري 
سيفورا 
دبنهامز 

لو مريتوا السوق شوفوها عالطبيعة  يمكن تعجبكم 


لتكبير الصور الرجاء الضغط عليها *

لمعرفة أماكن تواجد المحلات المذكورة في مدينتك زوري دليل التسوق *

اذا حبيتي المدونه واللي تقدمه لا تنسين دعمها و الاشتراك ومتابعتها لتصلك التحديثات*  

You Might Also Like

1 comments

  1. غير معرف2/23/2014 1:00 ص

    ياليت تتكلمي على مصممات ازياء بالرياض نحتاج هالشي كثير

    ردحذف