تقييم اسأل مجرب : أرواج برجوا السائلة bourjois rouge edition velvet

6:21 م

السلام عليكم 

ريفيو الاسبوع بيكون عن منتج 
كثير منكم ينتظر مني اتكلم عنه 

bourjois rouge edition velvet  



وش قصة هالأرواج وليش كثير يسأل عنها ؟ 
باختصار هي أرواج سائلة 
liquid lipstick 
تحطينها وتجلس دقايق وتنشف 
تعطيك لوك مات 
matt finish 

اللي يميزها 
ثباتها مب طبيعي بنات جديا لمن
 اقول ثباتها مب طبيعي منب أبالغ
 يعني عادي جدا تحطينها وبعد 7 ساعات 
وتاكلين وتشربين وتلقينها على شفايفك لاصقه 
 وأقدر أقول ان هذا كان من الأسباب الرئيسية 
اللي حمست كثير عليها .. 
طبعا ما فيه شي كامل 
صدق انها تلصق مرره ولا تتحرك
 بس 
 روج سائل + يعطيك فنش مات = جفاف 
هذي معادلة لازم تحطينها ببالك قبل لا تستعملينه 

يعني لو شفايفك من النوع اللي دايم ناشفه ومتشققه 
أبدا ما راح يناسبك هالروج

 واذا بتستعملينه 
لازم تسوين تقشير قبله مره كويس
 وتحطين مرطب قبله 
بعدين تحطينه عشان ما يعطيك لوك ناشف ومشقق 
وتكرهين الروج ..

 وأكيد مره يمديك تستعملين بعده قلوس
 لو تبين او مرطب ..احيانا احط فوقه مرطب
 لو حسيت شفايفي نشفت شوي خلال اليوم 

الشي الثاني اللي معجبني فيه
 اني ما احس فيه ..عرفتي اذا حطيتي روج
 تحسين ان فيه شي على شفايفك وتبدين توسوسين 
ها فيه روج على أسناني؟؟ ..

 هذا ابد ما تحسين فيه 
ولا يطبع على الشفايف ولا حتى على الكاس 
اهم شي عطيه تقريبا خمس دقايق ينشف تماما 
وبعدها انسي يطلع الا بمزيل ميك اب 
حتى لو حاولتي تمسحينه بمنديل ناشف 
بتحسين ان شفايفك بتتقطع وهو مو راضي يفك 
فشيليه بمزيل ميك اب وقطنه 


نزل منه 8 ألوان 

انا عجبتني هالأربع ألوان 



06 
pink pong 

لونه فوشي قوي وصارخ حلو لليل والمناسبات 
أبد مب حق استخدام يومي 
الاندر تون حقه أرزق 



04
peach club 
لونه مشمشي 
لون بطل وجميل للاستخدام اليومي 
بالذات لو تحبين الارواج المشمشية 
وتقدرين تستعملينه بالمناسبات لو مسويه سموكي
او مركزة الميك اب عالعيون 


01 
personne ne rouge

لونه أحمر جميل 
مب الاحمر الصارخ اللي تحسينه اذا حطيته 
بووووف بوجهك 
لأ الأحمر الحلو اللي يمديك تستعملينه بأي وقت 
الأندر تون حقه أورنج 


07 
nude-st 

لون رهيب جديا من اجمل الأرواج اللي جربتها 
درجته حلوه البينك على نود طبيعي 
ولا يخليك كنك ميته مره حلو 
هذا لوني المفضل بالمجموعة 
وأكثر لونه أستعمله 


متوفر بكل محلات التجميل والصيدليات 
مثل 
سنتر بوينت - فافافوم - دبنهامز 

السعر 
70

لتكبير الصور الرجاء الضغط عليها *

لمعرفة أماكن تواجد المحلات المذكورة في مدينتك زوري دليل التسوق *

اذا حبيتي المدونه واللي تقدمه لا تنسين دعمها و الاشتراك ومتابعتها لتصلك التحديثات



You Might Also Like

4 comments

  1. أنا جربته من شهر أول مانزلت روعة من جد

    ردحذف
  2. مشكورة على التقرير .. انا كنت افكر اخذه بس شفايفي دايم جافه وتتشقق مع الارواج ،،الحين ترددت اشترية وياليت عزيزتي تنصحيني اي انواع ارواج تنفع لي

    ردحذف
  3. غير معرف8/12/2014 5:16 م

    كيف اشتريه

    ردحذف