تقييم اسأل مجرب لاصدار عطر توم فورد الجديد ! TOM FORD velvet orchid

10:50 م

السلام عليكم 

كيفكم مع الأجواء الجميلة ؟ 
أمطار ودلع نزلت عالرياض 
الله يجعلها أمطار خير وبركة عالجميع 

اليوم جبت لكم اصدار جديد من 
TOM FORD 
عطر 
VELVET ORCHID 
اللي يعتبر أقوى اصدار عطور توم فورد في 2014 



عطر 
VELET ORCHID 
هو 
ارتباط لسلسلة عطر توم فورد المشهور 
BLACK ORCHID 
اللي نزل في 2006 

ويعتبر النسخة النسائية الأنعم من نفس فئة 
ORCHID 

العطر غالب عليه ريحة زهرة الأوركيد 
والعطر دافي جدا ومسائي 
 من فئة العطور القوية المسائية 
ونوتاته تذكرني شوي بعطر
CHANEL COCO NOIR 


العطر قوي أول ما تحطينه
ويبرد بعد فترة ويعطيك ريحة زهور على خشب الصندل
ثباته جدا جدا قوي 
يعني عادي جدا تحطينه وبعد 10 ساعات 
تلقين العطر ثابت بجسمك وملابسك كأنك توك حاطته 
وهالشي مب غريب على عطور توم فورد 
اللي معروفه بثباتها وقوة ريحتها 

نوتات العطر 
TOP NOTES 
bergamot, honey , mandarin orange
MIDDLE NOTES 
orchid , jasmine , orange blossom
BASE NOTES 
sandal wood , vanilla , suede 

بالنسبة لي النوتات اللي اشمها 
الياسمين , الأوركيد , العسل , فانيليا , خشب الصندل

مين يناسبه هالعطر؟؟؟ 
ضروري تكونين تحبين العطور الشرقية 
عشان تحبين هالنوع من العطور 
وتحبين العطور القوية ومن عشاق عطور توم فورد


وبنفس الوقت أشوفه مناسب للحريم الكبار 
أكثر من البنات 
لأنه مره قوي وريحته شرقية 
بيكون هدية حلوة لوحده اكبر بالسن

شخصيا ما اشوفه يمثلني 
أو يمثل الخط العطري اللي يعجبني 
اللي غالبا يكون ناعم خفيف وهادي

لكن اشوفه مناسب مره للبنات اللي يحبون 
العطور القوية مره أوالعطور الشرقية المسائية 
أو اللي يحبون عطور توم فورد وودهم بعطر
أنعم نسبيا من عطور توم فورد اللي متعودين عليها


لو مريتي السوق 
شمي العطر وجربيه يمكن يناسبك

عطور توم فورد متوفره في كل 
محلات العطور الكبيرة 

وجوه 
باريس غاليري 
سيفورا 
دبنهامز 


لتكبير الصور الرجاء الضغط عليها *

لمعرفة أماكن تواجد المحلات المذكورة في مدينتك زوري دليل التسوق *

اذا حبيتي المدونه واللي تقدمه لا تنسين دعمها و الاشتراك ومتابعتها لتصلك التحديثات*  




You Might Also Like

7 comments

  1. انا من عشاق CHANEL COCO NOIR
    حمستيني حيل له =)
    يعطيك العافيه ..

    ردحذف
  2. غير معرف4/30/2014 8:34 ص

    للاسف الى الان مانزل في السوق مليت ادوره

    ردحذف
  3. غير معرف4/30/2014 8:36 ص

    انا بالرياض ومالقيته ,رحت باريس قالري ودبنهامز وسيفورا ومالقيته اللي اشتراه يقولي من وين؟

    ردحذف
  4. انا لقيته في الرياض في باريس غاليري في غرناطه الـ١٠٠مل بـ ٦٩٩ ريال والـ٥٠مل بـ٤٧٩ريال والصراحه روعه ويستحق سعره��

    ردحذف