تقييم اسأل مجرب : فاونديشن لانكوم تينت ميراكل lancome Tient miracle

2:25 م

السلام عليكم 

اليوم بكلمكم عن فاونديشن 
Lancome Tient Miracle 
سمعنا عنه كثير وشفنا دعاياته كثير 
طيب وش تقييمي له ؟ 



الفاونديشن تم تسويقه بفكرة انه 
يبرز نضارة البشرة الطبيعية 
تركيبته خفيفة يعني ما تحسين انك حاطه فاونديشن 
ويمكن هذا الشي اللي لفتني يوم استخدمته
 خفيف جدا ومريح عالوجه


 يعطي تغطيه حلوة متوسطة 
بس بتحتاجين كونسيلر او خافي عيوب
 عالحبوب او الآثار 

غالبية الفاونديشنات اللي تكون تركيبتها
 مريحة عالوجه تكون خفيفة وما تغطي 
بس هذا تغطيته حلوة...مناسب للاستخدام اليومي 
لأن آخر شي ابي احطه على وجهي كل يوم
 فاونديشن ثقيل يكتم البشرة..وما يعطيني لوك طبيعي 

لكن لو كنتي من النوع اللي يحب التغطية العالية او تبينه للمناسبات ما راح يناسبك 


الفاونديشن فيه نسبة حماية من الشمس 
15spf 
ما اشوفها كافيه لشمسنا الحارة اللي تشوي الوجه 
يعني لازم تستعملينه قبله واقي شمس بنسبة عالية


الفاونديشن مكتوب عالعلبة انه يعطي نضارة البشرة الطبيعية 
طبعا لما نقول نضارة على طول نتخييل وشو؟
لوك دوي أو لامع ومندي للبشرة 
< مندي ولا مفطح ههههيييووو امزح 

المهم نرجع نكمل 
انا كنت متوقعه من الوصف
انه بيكون دووي ويعطي لمعه ويرطب
وممكن كان تسويقهم للمنتج بهالطريقة مضلل جدا
يعني لو بشرتك جافه وتبين لوك دووي
 ابد موب هذا الفاونديشن المناسب لك 

الفنش حقته يعطيك لوك 
semi - matt 
يعني مات اقرب للطبيعي 
مب المات بزيادة اللي يخلي الوجه كنه مغبر 

اشوفه مناسب للبنات اللي بشرتهم دهنية الى مختلطة
ويبون شي يعطيهم لوك طبيعي لأن غالبيه فاونديشنات
 البشرة الدهنية تكون باهته
وثقيلة بزيادة ...فهذا بيكون خيار مناسب لك 
أما لو بشرتك جافه راح يجففها وبيطلع وجك كنه مغبر


باختصار 
لو بشرتك دهنية الى مختلطه وتبين لوك طبيعي بيناسبك 
لو بشرتك جافه ابعدي عنه 

لانكوم تلقونها في 
دبنهامز - سيفورا - وجوه - فافافوم 

السعر 
200 






You Might Also Like

6 comments

  1. مشكورة علی هالريفيو كان ببالي اجرب شي من مكياج لانكوم لاني بصراحة بس اشتري العطور من عندهم دايما عطورهم هادية و باردة نفس ذوقي بس مكياج ما جربت

    ردحذف
  2. عندي حاليا بس افضل الكلينك اجمل منه

    ردحذف
  3. غير معرف5/29/2014 8:40 م

    طيب ابي اعرف اذا يحتوي على عطور او لا ؟! لان اذا فيه عطور راح يضر البشرة الدهنية خاصه اللي فيها حبوب اكثر من انه يفيدها

    ردحذف
  4. غير معرف6/30/2014 8:41 م

    وين القى تو فيسد و بينفيت بالرياض ؟

    ردحذف
  5. غير معرف9/25/2014 6:06 م

    @just_so_beauty حساب انستقرام لماركات المكياج الاصليه

    ردحذف