تقييم اسأل مجرب / قلوسات سماش بوكس بي ليجينديري! Smashbox be legendary lip gloss~!

1:10 ص

السلام عليكم 

رجعت لكم بتقييم منتج جديد 
smashbox 
Be Legendary lip gloss

 سماش بوكس 
بي ليجينديري قلوس



القلوسات هذي جزء من كوليكشن 
Be Legendary lip gloss

سماش بوكس مثل أغلب الشركات 
عندهم أكثر من خط قلوسات 
سبق جربت قلوساتهم 
بس أول مره أجرب هالنوع 

أول شي لفت نظري الألوان 
بيبي بينك ومشمشي على أحمر 
ولحمي على شيمر 
حسيت المجموعة اللي وصلت جامعة
 الألوان الأساسية للصيف لكن المجموعة الرئيسية
 اللي نزلت جامعة 16 قلوس 
وأعتبره اصدار جدا كبير لكوليكشن 
اللي غالبا ما تتعدى 6 منتجات من نفس الفئة
للاصدار الواحد 


المهم خلونا ندخل في الشغل المهم 
أول ما تفتحين القلوس لفتتني الفرشة 
فرشة غريب شكلها جاية مستطيلة ونحيفة 
وهالشي المفروض انه يسهل عليك عمليه استخدامه 
بحيث انك ما تحطين كثير مره وحدة ويصير طبقة ثقيله فجأة
 ويصير القلوس موزع 

بالنسبة للألوان 


SUGAR CANE
قلوس شفاف على نود فيه قلتر 


COQUETTE
بيبي بينك شفاف الأندر تون حقه أزرق 


MELONDRAMA
مشمشي فيه قلتر خفيف 

 طيب كيف التركيبة؟؟

 لاحظت انه ما يدبق أو يلصق 
وأنا ما احب القلوسات اللي تلصق لأنها تزعجني 
أحب اتكلم وانا مرتاحه ولا احس بالقلوس كثير 
فهالشي كان نقطة ايجابية 

الشي الثاني اللي أشوفه سلبي وكنت متوقعته من هالقلوس 
انه يكون له لون واضح يعني 
مثلا توقعت لو حطيت البينك بيطلع بيبي بينك وبخق عليه وبتصي عيوني قلوب
<< أبو الوصف
بس يوم حطيته حسيته قلوس عااادي أقرب للشفاف بس اللهم لون خفييييف 
يالله اشوفه وبالتالي ما يغطي الشفايف أبد 




يعني لو كنتي من البنات اللي عندك لون الشفايف مب موحده 
ما راح يناسبك لو حطيتيه لحاله لازم تحطين تحته روج 
أو لو من الناس اللي يحبون يحطون بس قلوس 
وتبين يكون فيه لون ما راح يناسبك

باختصار 
بتناسبك لو تحبين القلوس الشبه شفاف الخفيف للاستخدام اليومي او لو بتستعملينه فوق روج لونه قوي
ما راح تناسبك لو تحبين القلوس الملون واللي يغطي الشفايف ويمديك تستعملينه لحاله  

السعر 
100 

smashbox 
تلقونها في وجوه وباريس غاليري 


لتكبير الصور الرجاء الضغط عليها *

لمعرفة أماكن تواجد المحلات المذكورة في مدينتك زوري دليل التسوق *

اذا حبيتي المدونه واللي تقدمه لا تنسين دعمها و الاشتراك ومتابعتها لتصلك التحديثات

You Might Also Like

0 comments