تقييم اسأل مجرب : فاونديشن استي لودر اليومي Estee Lauder invisible Fluid Makeup

9:53 م

السلام عليكم 
تقييم الأسبوع بيكون 

فاونديشن استي لودر 
Invisible Fluid Makeup



الفاونديشن هذا موجه للاستخدام اليومي 
فكرته
 انه فاونديشن قوامه مائي 
خفيف وما يبين عالبشرة 
ولا يكتم البشرة خلال اليوم
موجه للاستخدام النهاري اليومي 


قبل ما تفتحينه لازم ترجين العلبة 
كل الفاونديشنات المائية لازم ترجينها
لأن مكوناتها تفصل عن بعض 


نجي الحين للفاونديشن 
قوامه مائي سائل هالشي بالنسبة لي سلبي 
لأنه يوصخ الدنيا أول ما تفتحين العلبة 
يطلع السائل من الغطاء بلحاله ..
 مجرد ما تفتحين العلبة يطلع لك الفاونديشن 
 ف أهم شي تبعدينه عن ملابسك اذا فتحتيه 

الفاونديشن تغطيته خفيفة جدا 
يعني تقريبا تحتاجين بشرة ممتازه مره عشان تستعملينه 
أو تكونين صغيرة ولا تحبين الفاونديشن يبين على بشرتك 
بس لو تبين تستعملينه وعندك عيوب لازم تستعملين معه 
كونسيلر تغطيته عالية عشان يغطي عيوب البشرة 
بما ان تغطية الفاونديشن هذا مره خفيفة


الفاونديشن الفنش حقته مات 
ويعطيك لوك أقرب للباودر اذا نشف 
مناسب للبشرات الدهنية بس أبد ما يناسب البشرات الجافة 

الفاونديشن هذا ما فيه أي نسبة واقي من الشمس 
وهالشي كويس لو بتاخذين صور واني حاطة الفاونديشن 
لأن الفاونديشن اللي فيه نسبة واقي شمس عالية 
يعكس بالتصوير ويعطيك لوك ابيض 


أما لو بتستعملينه ك فاونديشن يومي للدوام 
لازم تحطين قبله نسبة واقي شمس نسبته عالية 
بما ان الفاونديشن نفسه ما فيه واقي شمس 

باختصار

لو بشرتك دهنية وتدورين فاونديشن
 نهاري خفيف يوحد لك لون بشرتك بشكل طبيعي 
بيناسبك 

لو بشرتك عادية الى جافه
 وتبين فاونديشن تغطيته وسط الى عالية 
ما راح يناسبك 

السعر 
180 

استي لودر متوفرة في كل محلات التجميل 
دبنهامز 
وجوه 
سيفورا 
باريس غاليري 

  

لتكبير الصور الرجاء الضغط عليها *

لمعرفة أماكن تواجد المحلات المذكورة في مدينتك زوري دليل التسوق *

اذا حبيتي المدونه واللي تقدمه لا تنسين دعمها و الاشتراك ومتابعتها لتصلك التحديثات

You Might Also Like

0 comments