تقييم اسأل مجرب : بي بي كريم ماك Mac BB cream ! ~ اسأل مجرب

4:36 ص

السلام عليكم 

رجعت لكم بريفيو جديد 
ريفيو الأسبوع بيكون

MAC prep+prime 
 BB cream 
ماك بي بي كريم 






أكثركم تستعملون البي بي كريم بشكل يومي 
خصوصا بالدوام أو الطلعات الصباحية أو بالصيف 
لأن صيفنا حر وكتمه وفطيس ههههه
 يعني بالذات لو بتطلعين النهار 
في هالحر آخر شي تبينه تكونين حاطة فاونديشن
 ثقيل ويميع مع الحر 

يوم سمعت ان ماك منزلين بي بي كريم من فتره 
قلت لازم أجربه خصوصا اني سبق وجربت فاونديشناتهم 
وبعضها مناسبني مره قلت يالله نقييم هالمنتج 

أول شي العلبة مثل أغلب علب البي بي كريم بالسوق 
تجيك مثل العصار فسهل تشيلينها معك لأي مكان 
ووزنها خفيف ومريحة بالاستخدام 

نجي الحين للشي المهم 
كيف قوامة ؟ 
قوامة أقرب للجل يشبه قوام 
mac studio sculpt foundation 
يعني ماسك نفسه مب
 اللي يجيك زي المويه او سائل بزيادة 

ما يعطيك فل كفر او تغطية كاملة زي ستوديو سكالبت 
لكن ك بي بي كريم اعتبر تغطيته ممتازة وعالية

يعني يمديك تستعملينه كبديل للفاونديشن لو كنتي صغيرة  
أو لوما تحبين التغطية العالية 

استخدامه سهل مثل اغلب البي بي كريمز
يمديك تدهنينه بيدك مثل الكريم او الفرشة مثل الفاونديشن 
عن نفسي استخدم معه فرشة سيقما 
وفيه نسبة واقي شمس 35
وهي نسبة كويسة بس انصحك تحطين قبله 
واقي بنسبة اعلى لو بتكونين بالشمس مباشرة
خصوصا بالصيف عندنا تطلعين 5 دقايق
تنحرقين من قوة الشمس 

أكثر شي عجبني فيه وكنت خايفة منه
 اول ما استخدمته انه يكون ناااشف 
أو يعطيني لوك مات ويخلي وجهي كنه مغبر 
بس أبد مب كذا بالعكس يرطب ومريح عالوجه
 مناسب للبنات اللي بشرتهم عادية الى جافة 
لكن لو بشرتك دهنية مره مب الخيار المناسب لك 

باختصار 
لو تبين تغطية طبيعية يومية وبشرتك عادية الى جافة بيناسبك
لو تبين تغطية ثقيلة ومسائية أو بشرتك دهنية مب مناسبك

السعر 
120 

البي بي متوفر في كل فروع محلات 
MAC 


لتكبير الصور الرجاء الضغط عليها *

لمعرفة أماكن تواجد المحلات المذكورة في مدينتك زوري دليل التسوق *
اذا حبيتي المدونه واللي تقدمه لا تنسين دعمها و الاشتراك ومتابعتها لتصلك التحديثات

You Might Also Like

3 comments

  1. السلام عليكم ورحمة الله وبركاته
    انا من اشد المتابعين لك
    والله يعطيك العافيه على المعلومات الحلوه والقيمه
    حبيت اسال عن بي بي الكريم ايش احسن حق ماك او كلينك
    واذا فيه بي بي كريم سعره مو غالي و كويس
    وشكرا لك

    ردحذف
  2. غير معرف9/05/2014 8:59 ص

    فيه بي بي كريم للبشرة الدهنية من جارنييه .. ممكن تسوي رفيو عنه ؟ ^^

    ردحذف
  3. زورونا في متجر أنتي ملكة www.u-r-queen.com لدينا أنواع متعددة من كريمات الـ BB الكورية بالإضافة إلى كريمات الـ CC و الـ DD و غيرها كثير ^_^ نتشرف بزيارتكم لمتجرنا

    ردحذف