تقييم اسأل مجرب : عطر استي لودر الجديد pleasures flower !

5:53 ص

السلام عليكم 

اليوم جبت لكم تقييم جديد 
لمنتج جديد بالسوق 

عطر
Estee Lauder 
Pleasures Flower 




عطر بليجرز 
الاصدار الأول نزل في سنة 
1995 

ويعتبر من أشهر الاصدارات اللي نزلتها استي لودر 
في مجال العطور ولقى ضجة كبييرة أول ما نزل 
وللحين أذكر يوم كنت صغيرة مره وكنت احطه 
ارتبط معي بذكريات الطفولة أول ما اشمه 
ارجع سنين ورى 




المهم نرجع لسالفتنا 
في 2014 
رجعوا استي لودر قالوا خننزل اصدار
 من هالعطر بنسخة مختلفة 
غالب عليها الزهور والليمون 
نقدر نقول نسخة صيفية خفيفة 
ومختلفة عن عطر بليجرز الأساسي 
اللي غالب عليه ريحة الورود ودافي وقوي

هالاصدار ليميتد اديشن 
يعني مو مستمر فترة وبينقطع 
وهالشي اتوقع بيحمس عشاق عطر بليجرز
 انهم يروحون يجربونه 
ويمكن يشترونه لو عجبهم 

تصميم العلبة  
مثل علبة بليجرز القديم 
بس انهم طبعوا عليها ورود وخلوها بينك 
 مع اني فضلت لو انهم تعبوا شوي 
بتصميم الورود اللي على العلبة بشكل أفضل
أنا من الناس اللي يجذبني شكل العطر مره 
بس حسيت البرنت اللي عليه ما عطته قيمته أبد
وطلعت العلبة شكلها كنها بخاخ جسم مو عطر 

نوتات العطر 

Top Notes 
lemon , bergamot , orange blossom 
Middle Notes 
jasmin,lily,rose,peony
Base Notes 
vetiver,incense

بالنسبة لي اللي أشمه اكثر شي 
الياسمين , الليمون ,الليلي 
الريحة عجبتني ومن الروايح اللي تناسب ذوقي للنهار 
وتعطيني ريحة نظافة 


ثبات العطر؟
العطر ثباته خفيف
 ثباته مو قوي مثل عطر بليجرز الأساسي 
تقريبا اقدر اقوللك عطر صيفي نهاري 
ماراح يكون خياري لطلعة بالليل أو مناسبة 
بس أتوقع اكيد بيكون بالشنطة للطلعات الصباحية 
أو بعد الشاور لأن ريحته ليمونه نظيفة مع شوية زهور 

لو رحتي السوق شميه يمكن يعجبك 

تلقينه في كل محلات العطور الكبيرة 
وجوه 
باريس غاليري 
فافافوم 
دبنهامز 




You Might Also Like

3 comments

  1. شكرًا مجربه ❤️ حمستيني امر اشم ريحته �� بس ماتكلمتي عن سعره :) ؟

    ردحذف
  2. مجربه الله يسعدك .. يا ليت تنزلين فيديو عن الشعر الخشن والغير صحي .. وكيف ننعمه ونعتني فيه .. والله شعري معقدني :(

    ردحذف
  3. غير معرف10/05/2014 4:43 م

    مشكورة .. بس ليش ماصرتي تكتبين الأسعار

    ردحذف