تقييم اسأل مجرب : عطر كارتييه Cartier Guette De Rose ~ اسأل مجرب

8:28 م

السلام عليكم 

ريفيو هالأسبوع بيكون 
لعطر 
Cartier 
Guette De Rose 





هالعطر يعتبر من أقوى اصدارات عطور 
Cartier 
اللي نزلت في
 2013 
وللحين ومبيعاتها في ارتفاع 

نجي الحين للعطر 


العطر من اسمه 
Guette De Rose
أول ما تشمين فيه الورد بطريقة مرة ناعمة 
لين قلت لكم ورد معناها ورد 
مب زهور لأ ريحة ورد ههههههه 
بس الحلو انها مب ريحة الورد اللي تحسين انها تكتمك أو تحوم كبدك 
 وهذا اللي عجبني فيه لأني دايما احب العطور اللي ريحتها فيها
زهور بطريقة ناعمة فعجبني العطر من هالناحية

العطر ماخذ طابع العطور الخفيفة الناعمة 
أول ما تشمينه تحسين فيه أنوثة ونظافة عطر هادي ونهاري
وبنفس الوقت ثباته مره حلو أشوفه عطر حلو للصيف 
أو حتى عطر صباحي بالذات ان الحين جت الدوامات 
والأغلب جالس يدور عطر نهاري خفيف وحلو وثابت
لأن آخر شي تبينه مع هالحر والفطيس عطر ثقيل وحار للنهار بشكل عام 

العطر 

Eau de Toilette

يعني موب عطر ثقيل أو مسائي أبد 




نوتات العطر 

TOP NOTES 
rose . vanilla
MIDDLE NOTES 
amber . wood 
BASE NOTES 
floral 

أكثر شي أشمه فيه الورد ,العنبر وشوي فانيليا 
 أووم الحوسه بس والله ما عليكم من الوصف ههههه 
الريحة حلوة صدقوني


بالنسبة للتصميم
 مافيه شي مميز بالنسبة لي أفضل العلبة اللي يصير متعوب شوي على تصميمها بالنسبة لي أشوف كارتييه كان ممكن تنزل شي أفضل من ناحية التصميم وتطلع لنا بشي تصميمه بطل .. بس قررت تلتزم بالبساطه مثل شكل العطر الحالي 



والشي الثاني اللي استغربته طريقة تسكير العطر 
تلفين القطعه البلاستيك اللي فوق ويسكر ... اممم 
من جدكم كارتييه ؟ ليش الحوسه كان حطيتوا غطى رهيب تصميمه وقضينا ما حسستوني بفخامة العطر .. حسيت اني شارية عصير ومكتوب اغلق الزجاجة جيدا عند الفتح 
بس بعطيهم نقطة على انهم فكروا بفكرة غريبه شوي وخارجه عن المألوف ولو انهم ما جابوها صح 


عطر كارتييه متوفر في 
باريس غاليري 
وجوه 
فافافوم 
دبنهامز 

 روحوا جربوه يمكن يعجبكم 


You Might Also Like

9 comments

  1. غير معرف8/27/2014 8:39 م

    السعر ترا جدا مهم ينحط مع المعلومات وثانكس

    ردحذف
  2. غير معرف8/27/2014 9:09 م

    مره شكرا رنيم ماقصرتي الله يعطيك العافيه،
    ولا عليك أمر ماقلتي لنا كم سعره :$

    ردحذف
  3. غير معرف8/28/2014 1:47 ص

    وراك ما قلتي كم السعر ؟

    ردحذف
  4. تشكريه
    حجربه اول مايخلص عطري هههه
    مشكوره على الشرح الوافي

    ردحذف
  5. غير معرف8/30/2014 9:36 ص

    مشكوره ع الريفيو بس حابه اقول للتعلقيات ليش ما تعطوها كف :) احسن علشان تكتب السعر مره ثانيه
    الحمدلله

    ردحذف
  6. سجل الان معنا بالمسابقة من هنا .. انضم الينا ولا تتردد ..

    https://www.amyalmall.com/Registration.aspx

    ردحذف
  7. غير معرف9/02/2014 8:20 ص

    > تحمست له $

    ردحذف
  8. يعطيك العافيه عطر جميل





    عقارات السعوديه
    http://www.aqar-sa.com/

    ردحذف