تقييم اسأل مجرب : مجموعة بوبي براون الصيفية Nectar & Nude ~ اسأل مجرب

1:59 ص

السلام عليكم 

ريفيو الأسبوع بيكون عن 
مجموعة بوبي براون الصيفية 
Nectar AND Nude 


المجموعة نزل معها علبة شادوات وبلاش كريمي
 تكلمت عنه في هالفديو 


 تدوينة الفديو لو بتعرفين الأسعار 


بالنسبة لريفيو اليوم بيكون لجزء 
المناكير والقلوس من المجموعة 

Bare Peach 
lip gloss & nail polish 

بالنسبة للون مثل ما تشوفون 
جايكم نود أو مشمشي على شفاف 
وفيه قلتر 

نبدأ الحين نفصفص المنتجات 

أول شي نجي للقلوس 


القلوس تركيبته جميلة بصراحة 
وهو شي ما تعودت عليه كثير من بوبي براون 
أحيانا تجي قلوساتهم تلصق 
بس هالمجموعة قلوساتها حلوة ومهتمين بتركيبتها 
تعطي لوك حلو ومنفوخ للشفايف وثابته بدون ما تلصق بشكل مزعج 
طبعا اللون شبه شفاف يعني مشمشي خفيييف مع قلتر 
أستعمله غالبا فوق الروج مو بلحاله 
قلوس حلو للصيف 

السعر 
110 

نجي للمناكير 
المناكير درجته بالضبط مثل القلوس 
شفاف ومعه قلتر يعني ما راح يغطي الظفر 
الا اذا ودك تحطين مناكير شفاف فيه لمعه بس 
شخصيا انا استعمله فوق المناكير بس مو بلحاله 
لمعته حلوة وثباته جيد مثل ما تعودت من مناكير بوبي بروان 


السعر 
90

نجي للجزء الثاني من المجموعة 
Nude pink lip gloss 
Nectar nail polish 

هالمجموعة مو طقم مع بعض نفس اللون مثل ما تلاحظون 
الأسماء مختلفة 
بس المناكير معه قلوس نفس لونه ونفس الشي القلوس فيه منه مناكير نفس اللون 
لو يهمكم تطقمون يعني ههههههه 


المهم نبدأ بالقلوس 

قلوس بينك لحمي 
جميييل عجبني بصراحة وأشوفه لون أتوقع أغلب السعوديات أو الخليجيات يحبونه 
لأن تركيزنا في الميك اب  عالعيون غالبا ونحب الألوان اللحمية عالشفايف 
مع اني احب اللون الغامق بعد 
المهم لاحظت اني شطحت عن سالفتنا 
ايه القلوس 
تركيبته كريمية جميله تحسينه يغطي الشفايف ومب ثقيل أبد 
حلو لأي وقت تقريبا 
نهار ليل ما تفرق 


السعر 
110 

وآخر شي نجي للمناكير 
من الأسم لونه كورال على بينك 
أغمق من القلوس 
درجته حلوه بس ما تمشي على أي أحد 
أحسه يناسب البيضات بزيادة أو السمرات نسبيا 
اللي بالنص ما راح يناسبهم كثير 
وبالذات لو الاندرتون حق بشرتك أصفر مثلي 
ما تمشي كثير عليك المناكير اللي مايل برتقالي 

لكن تركيبته حلوة وثباته قوي 

السعر 
90

بوبي براون تلقونها 
في 
هارفي نيكلز 
الفيصلية 


لتكبير الصور الرجاء الضغط عليها *

لمعرفة أماكن تواجد المحلات المذكورة في مدينتك زوري دليل التسوق *

اذا حبيتي المدونه واللي تقدمه لا تنسين دعمها و الاشتراك ومتابعتها لتصلك التحديثات


You Might Also Like

5 comments