تقييم اسأل مجرب : فرشة الأسنان الكهربائية Oral B BRAUN electric toothbrush

1:12 ص

السلام عليكم 

ريفيو الأسبوع بيكون عن 
ORAL B 
BRAUN
electric toothbrush 

فرشة أورال بي الكهربائية 



من زمان ودي أجربها وكل ما شفتها أقول 
يالله أخليها بعدين لين دخلت ذاك اليوم الصيدلية 
ولقيت العلبة .. حسيتها تناظرني تقول اشتريني يالله 
قلت أمشي معي بس .. 
لقيت نوعين نوع تشتغل بالبطارية 
ووحدة بالشحن 

طبعا أخذت اللي تنشحن لأنها عالمدى البعيد اقتصادية أكثر 


راس الفرشة دائري صغيييير 
وطبعا الفرش ينباع منها قطع غيار بكل مكان 

نجي الحين لاستخدام الفرشة 


الفرشة فيها مؤقت 
تشغلينها وتطفي بعد دقيقة ونص اتوقع 
وهو الوقت اللي يكفي عشان تنظفين فيها الأسنان زين


طبعا أول ما تشوفين هالفرشة
 وتشوفين انها تتحرك وتدور ..وش بتفكرين؟ 
بتقول اكيد انها تنفض أسناني نفض وبتنضف بشكل رهيب 



طبعا بعد التجربة 
اكتشفت ان هالشي غللللط 

بالنسبة لي هالفرشة أسوأ فرشة جربتها في حياتي
يعني فرشة أم 12 ريال 
أطلق منها بمليون مره 
لأن هالفرشة تدور بسرعه وراسها دائري
 والفرشة أليافها مرررره قصيرة 
ما تدخل في الأسنان ولا تدخل في فراغاتها ولا تنظف زين 
وحتى تنظيف اللسان ما تمشي معك أبد 
كنت حاطة آمال كبيرة على هالفرشة للأسف 


باختصار 
أبدا مو الفرشة اللي تستاهل التجربة 
لو انتي موسوسة أوتحبين أسنانك تكون مره نظيفة 
او عالأقل تبين أسنانك تتنظف
اشوف ان الفرشة العادية 
من 
ORAL B 
أفضل بكثير 
وتعطيك نتايج ممتازة عكس الكهربائية

السعر 
100 

مكان الشراء 
كل الصيدليات الكبيرة 
بوتس - الحبيب 



لتكبير الصور الرجاء الضغط عليها *

لمعرفة أماكن تواجد المحلات المذكورة في مدينتك زوري دليل التسوق *

اذا حبيتي المدونه واللي تقدمه لا تنسين دعمها و الاشتراك ومتابعتها لتصلك التحديثات

You Might Also Like

6 comments

  1. انا عندي زيها بس حسيت انو كل م شحنتها زياده صارت تنظف اكتر

    ردحذف
  2. غير معرف8/11/2014 1:07 م

    هي انواع فيها با800 ريال و300 ريال تقريبن بس انا عندي با300ممتازه

    ردحذف
  3. الحمد لله شفت الريفيو كنت موسوسه اتمنى لو هي عندي ريحتيني يارنيم اقعد على ام 12 ابركلي هعهع وه ياعلنا مانفقدك ياشيخة

    ردحذف
  4. غير معرف4/02/2015 2:28 ص

    بالعكس بالنسبه لي جدا جدا كويسه ، ومادري كيف كنت عايشه عالعاديه ، اسناني صايره انظف بكثير وتنظف كويس لازم تفركين اسنانك كمان مو تعتمدين عليها لانها تدور بس

    ردحذف
  5. غير معرف5/14/2015 12:34 ص

    هالفرشه ممتازه لو استخدمتيها صح وتنظف الاسنان اكثر من العاديه :) وبخصووص اللسان من جدك تنظفينه بالفرشه ذي!! في شي مخصص لتنظبف اللسان وجدا ممتازه .. وبين الاسنان في خيوط مخصصه للاسنان ومنها انواع. المهم ارحعي استخدميها صح وماراح تندمين بس يرحم امك لاتنظفين بها لسانك

    ردحذف
  6. غريبه ب300 وشوي شريتها

    ردحذف