تقييم اسأل مجرب : مجموعة ماك البحرية ! MAC alluring aqua collection

7:12 م

السلام عليكم 

ريفيو هالأسبوع بيكون عن كوليكشن ماك 
MAC 
 alluring aqua collection




أول شي لاحظتوا شي مميز؟؟ 
ايه شفتوا نقط الموية هذي 
موب أنا اللي مسويتها ترى 
 حركة رهيبة مسوينها في تغليف العلبة
حسيت فعلا انها مجموعة مستوحاه من البحر والمحيط 
كنهم توهم مطلعينهم من البحر 

الشكل 
10 / 10 

المهم اتركوا الشكل على جمب 
نبدأ الحين بتقييم المنتجات 

أول شي 
منتجات المجموعة كلها جايه من فئة 
in extra demention 
وهي منتجات ماك اللي تجيك ثلاثية الأبعاد 
مو مضغوطة بشكل مسطح وبس 

طيب هل يفرق هالشي بالتركيبة ؟ 
 شخصيا أشوفه أحيانا يفرق 
وأفضل من ناحية الاستخدام المنتجات المضغوطه بشكل
 مسطح ويكون المنتج فيها يطلع أكثر وبشكل سلس أكثر
 من المنتج ثلاثي الأبعاد لكن كشكل وتصميم أكيد هذي تتفوق 

البلاش 
see me , hear me 


البلاشر لونه مشمشي 
جميل مره  بالصيف ويناسب كل البشرات 
مو المشمشي القوي لأ مره هادي بالطبيعة 
وتحسينه بلاشر يومي وفيه اضائه خفيييفه مو باهت
 أو مطفي تماما لكن اضائته شي حق استخدام يومي مو
 قوية أبد بس عيبه ما يطلع معك كثير في الفرشة من 
مره وحدة وهالشي بسبب الشكل الثلاثي الأبعاد
 مثل ما ذكرت فوق 

السعر 
120 



الشادو 
Legendary lure 


تركيبة الشادو أفضل من البلاش من ناحية
 ان المنتج يمشي معك بشكل أفضل 
ويطلع بسهولة وما تواجهين أبد مشكلة بهالشي 
فيه لمعه قوية وواضحة يعني شادو قوي
 مسائي للمناسبات مب حق نهار أبددددد 
حلو للوك السموكي والدمج مع اني شخصيا
 ما افضل الألوان الغامقة مره علي بالذات لو فيها لمعة
 قوية أفضل الدمج يكون بألوان  غامقة مطفية أكثر لونه رصاصي محروق على أزرق غااامق  

السعر 
100 



المناكير 

Dark teal chrome


المناكير لونه أزرق على أسود 
درجته مره حلوة وعالأظافر يطلع أفتح من العلبة 
وفيه لمعة يقلب أزرق تركوازي غااامق على بنفسجي بالنور 
ذكرني شوي بمناكير شانيل 
black pearl 
لو تذكرونه 
تعجبني مناكيرهم ثباتها ممتاز وما تقشر بسرعة 

السعر 
100

You Might Also Like

4 comments

  1. غير معرف9/11/2014 2:52 م

    رنييم حرام علييييك مثل هالتدوينات ما تفيدنا كثير ما تطير قلوبنا لانها لميتد حرام اذكر مره مدحتي شي لميتد وماكنت ادري حبيته بشكل مو عادي ولما رحت دريت انه مخلص من زمان لانك نزلتيه متأخر زعلت والله يعني حلو تنزلينها في وقتها مب عقب ما تخلص هالمجموعه

    ردحذف
  2. غير معرف9/30/2014 11:19 م

    مشكوره رنوم ع المجهود يبارك فيك يارب

    ردحذف
  3. موعد مشاهدة مباراة الزمالك والوداد المغربي بث مباشر اليوم
    يستضيف نادي الوداد البيضاوي المغربي فريق نادي الزمالك المصري في مباراة العودة في دوري أبطال أفريقيا دور قبل النهائي اليوم السبت 24-9-2016 حيث سيتم بث اللقاء في تمام الساعة 10:00 مساء بتوقيت مصر، والساعة 11:00 بتوقيت السعودية فيما ستنقل قناة بي ان سبورت 2 المباراة بتعليق المعلق الرياضي سوار الذهب.

    ردحذف