تقييم اسأل مجرب : مسكرا ميبيلين لتطويل ولف الرموش Maybelliene The falsies FLARED

12:42 م

السلام عليكم 

تقييم الأسبوع بيكون 
لمسكرا ميبيلين 
Maybelliene 
The falsies volume express mascara
FLARED 




المسكرة هذي تعتبر اصدار ثاني من مسكرات ميبيلين 
من مجموعة 
THE FALSIES 
اللي سبق وجربت منها هالنوع اللي اسمه 
the flasies volume express " black drama "
اللي موجه للرموش القصيرة والخفيفة والمستقيمه 
اللي محتاجة شي يطلعها ويبرزها 

وعجبتني مره 

فقلت خليني أشوف هالاصدار بعد 

وش هالمسكرة ووش اللي تختلف فيه عن الاصدارات الثانية ؟؟


المسكرة هذي موجهه للبنات اللي يبون طول للرمش ولفه وما تهتم بالكثافة كثير 
يعني اللي رموشها قصيرة ومستقيمة 
وتحس ان رموشها ما تبين بالميك اب ومع المسكرات الثانية 


طريقة الاستخدام 
انك تستعملين الجزء اللي داخل على جوى على كامل الرمش للكثافه 
والجزء اللي مايل على برى على أطراف الرمش عشان تلف الرمش 


هذي ألياف المسكرة مثل ما تشوفون كثيفة ومعكوفة 
لأنهم مركزين فيها على الطول أكثر 
وبنفس الوقت ما تكتل الرموش او تلصقها لأن فرشتها أليافها طويلة 
ومو متلاصقة 


الحين نجي لهذا الجزء اللي كنه عاضه بزر ههههههه
هو عشان تتحرك معك فرشة المسكرة يمين يسار فوق تحت 
وما تصير عصى المسكرة ثابته ولا توصل لكل مكان بالرموش 


طيب وش رايي أنا بهالمسكرة ؟
تطول بشكل وطبيعي ويومي 

هل هي أفضل من الاصدار القديم 
للرموش القصيرة والمستقيمة ؟ 
لأ 

بالنسبة لي لازلت أفضل الاصدار القديم 
للرموش اللي حالتها صعبه 
لسبب بسيط 
أن المسكرة القديمة سوادها جدا فاحم 
والشي الثاني داخلها ألياف تبني زيادة رموش لك 
يعني لو رموشك رايحه فيها بتساعدك كثير 

بالنسبة لهالمسكرة بتكون جيدة للبنات
 اللي رموشهم كثيفة ومحتاجين لف للرمش 
بس لو رموشك رايحة فيها أفضل الاصدار
 اللي قبل أفضل منه لك 

وبشكل عام سواء رموشك كثيفة أو خفيفة 
بالنسبة لي أفضل الاصدار السابق في كل الحالات 

ميبيلين تلقونها في كل محلات التجميل 
والصيدليات
السعر 
40







You Might Also Like

5 comments

  1. http://www.wishtrend.com/hair/853-argan-oil-for-hair-confume.html

    تكفين اختي الله يرضى عليك هذا وش يسوي وكيف استعمله ؟ :(

    ردحذف