تقييم اسأل مجرب : مسكرا برجوا للتطويل! bourjois voulume 1 second mascara

4:37 م

السلام عليكم 

رجعت لكم هالأسبوع مع تقييم جديد 

مسكرا برجوا

bourjois 
voulume 1 second mascara



أول ما شفتها لفتت نظري 
علبتها عاكسه ودبدوبة 
تحسين لا شعوريا بتكون شي للتكثيف 
ههههه يمكن عشانها دبدوبة 
اتخيل كذا 




المهم فتحت العلبة 
المسكرا أليافها بلاستيك وقصيرة 
وهالشي وش يعني؟
اللي متابع ريفيواتي عن المسكرات 
حفظ الدرس ! 



أي مسكرا أليافها بلاستيك وقصيرة 
تطول 
طيب كيف مكتوب عليها تكثف؟؟ 
معقوله في شي غلط 

فتحتها وجلست أجربها 
لاحظت ان فرشتها تتحرك 
يعني بتساعك توصلين للأجزاء الداخلية بالعين 




بعد التجربة لقيتها فعلا تطول فقط 
من ناحية التطويل تطويلها جميل تطول لك رموشك مرة 
وتمسك كل رمش وترفعه وتلفه 
بس ما تنفع ابد للبنات اللي رموشهم خفيفه 
بتلقين رموشك طويله وفاضيه 
مو طويلة وسميكه 
يعني لو تبينها لازم معها مسكرا ثانية للتكثيف 

المسكرا هذي الشي المختلف فيها عن مسكرات 
برجوا الثانية انه يمديك تحطين منها كم طبقة
موب مثل مسكرات برجوا الثانيه مرة ومرتين
 وتلقين رموشك صارت كنها رجلين عنكبوت 
ولصقت مع بعض 



المسكرا بشكل عام حلوة 
لكن اعتقد العيب الكبير بهالمسكرا اسمها 

وكان المفروض يكتبون بالضبط وش تسوي 
عشان محد يتوهق فيها 


بشكل عام 
انصح فيها أو لا ؟ 
 حلوه للبنات اللي رموشهم كثيفه وقصيرة و يبون تطويل قوي 
بس أبد ما تنفع للي رموشهم خفيفة بتطول وبتلقين فيها فراغات 


برجوا متوفره في 
دبنهامز 
سنتربوينت 
وجوه 
وأغلب محلات التجميل والصيدليات الكبيرة 

السعر 
٦٥ 

You Might Also Like

1 comments

  1. السلام عليكم رنيم حبيت اسألك بس ايش احسن سي سي كريم استخدمتيه وابغ اسألك عن مركز ادمه وايش الخدمات الموجوده عندهم

    ردحذف