تقييم اسأل مجرب : بلاشر كنت ادور عليه من زمان! Esteel Lauder hot sienna blush

7:08 ص

السلام عليكم 

ريفيو الأسبوع بيكون عن 

Estee Lauder 
Hot sienna satin blush





شفتوا العلبة ؟؟ 
رهيييبة تعجبني مرة الشركة اللي 
علبها حلوة وملفته 
تحسين دفعتي بشي يستاهل 

العلبة لونها ذهبي 
واحد من الاألوان الي أخق معها 
مدري ليش الذهبي أحببببه 


المهم نرجع لسالفتنا 
العلبة فيها مراية وفرشة
ولو ان الفرش اللي يحطونها مع المنتجات 
خربوطية ولا استعملها 
بس تفك أزمات لو طالعة وأبضبط نفسي 
يعني لو اضطريتي عليها استعمليها
لكن عيب العلبة
صعوبة فتحها اجلس اسحب فيها 
ساعة عشان تفتح فانتبهي وانتي 
تفتحينها لا تطيح منك


المهم خلونا من العلبة الحين
نجي 
للبلاشر

06
hot sienna
satin 



البلاش لونه جاي بينك على بني داااافي 
التصوير قالبه بينك على أورنج
بس بالصدق بينك دااافي على ترابي 
لون كنت أدور عليه من ٨٣٤٨٥٧٨٣٤٧٨٤ 
سنة 

ولا ألقى الدرجة اللي ببالي 
يا يجيك بينك بزيادة
يا يجيك بني بزيادة 

أما هذا ممتاز الدرجة اللي تناسب
 كل بنت وأي وقت
دايم تلقين عندك بلاشرات تحسينها 
ما تناسب أي وقت 
أما هذا يمشي معك 
صباح ليل عصر مغرب فجر الخ الخ 
تركيبته مات أو مطفيه 
ولا فيه أي لمعه


طيب اللون وطلع رهيب الحين نجي للشي الأهم 

التركيبة 

ولا وش فايدة البلاش لو تركيبتة سيئة 



التركيبة بودر بس تحسينها بودرة ناااعمة ومب اللي تخلي وجهك مغبر 
لا ناعمه وملمسها كريمي.... موب صدق كريمي 
بس يعني ناعمة أقصد
تشبيه بليغ يعني 

المهم مدري ليش شطحت في القواعد 


نرجع للبلشر
ثباته ممتاز يعني ثابت طول اليوم ،طول السهرة 
وكميته كبيرة يعني حتى لو استعملتيه يوميا 
ما راح يخلص الا بعد ميتين سنة 
وتورثينه بناتك 
لاعاد امزح ..الصدق تقريبا سنتين يجلس معك 
استخدام يومي 

وبما اني هالفترة
معتمدته كبلاشر يومي
كثير يسألون عنه لين حطيته، وعن درجته 
عاد لين سألوني أطلع العلبة الذهبية ويخقون زود 



 باختصار 
 تدورين بلاشر لكل استخداماتك في بلاشر واحد 

تدورين على بلاش يناسب أغلب اللوكات 

وبلاش يناسب كل درجات البشرات 

وبلاشر حجمه كبير وتستعملينه لفترة طويلة

شوفيه يمكن يناسبك 


Estee Lauder 
تلقينها في 
باريس غاليري 
وجوه
سيفورا 
دبنهامز

السعر
١٩٥ 




You Might Also Like

4 comments