تقييم اسأل مجرب : مجموعة بوبي براون للتوعية بسرطان الثدي bobbi brown french pink set blush اسأل مجرب

4:50 م

السلام عليكم 

تقييم الأسبوع بيكون عن 

bobbi brown 
french pink set blush 

وهي مجموعة بلاشر وفرشة نزلتها بوبي براون 
تضامنا مع حملة التوعية بسرطان الثدي




العلبة لونها بينك وهو اللون الخاص بحملة التوعية
بسرطان الثدي 

نجي الحين للبلاش 
هل هو فعلا ممتاز؟
 ولا بس انه سوينا مجموعه عشان الحملة وقضينا ؟


بصراحة انا توقعته شي عادي ولا كنت متوقعه انه بيكون ذاك الزود

فتحت العلبة 



لقيت فرشة سعنونه بينك 
 وبلاشر ونفس البلاشر عليه طبعة شعار حملة التوعية بسرطان الثدي 
عجبني الباكيج كله حلو وفكرة انه حتى
الفرشة بينك 

الشكل حلو طيب الأهم المضمون


جربت البلاشر 
وبصراحة 
جمييييل وما أقولها انه اوه حلو 
لا صدق ممتاز ليش ممتاز؟ 
طيب بعلمكم ليش 

لي تقريبا ٩٨٥٨٤٧٥٩٥ سنه 
أدور بلاشر بينك فاتح مطفي 
بس بنفس الوقت يعطي لون ولونه ثابت 
أغلب اللي جربتهم باهته وثباتها خفييييف 
ساعتين الا وهو مختفي

هذا لا قوي مره ثباته تقريبا ٨ ساعات
 ولونه حلووو 
لا اللي بينك فاااتح لدرجة ما يبين 
ولا البينك الغامق بزيادة 
جاي بالنص 

حلو مرة للاستخدام اليومي
للوكات اللي محتاجه فيها بلاشر بينك مطفي 




والفرشة بصراحة ممتازة 
تعرفون دايم الشركات تحط فرشه اي كلام 
يسكتوننا فيها
اللي عن قولة ترانا حطينا فرشة 

لا هذي الفرشة حلوة ويمديك تستعملينها 
ممتازة تحطينها بالشنطة ومعها غطاء
شكرا انكم حطيتوا فرشة صدق يمدينا 
نستعملها 




باختصار

لو  

تبين بلاش بينك مات يومي وثباته قوي يناسب  بيعجبك


لو 
ما تحبين البلاش البينك أو المات وتميلين لدرجات 
المشمشي أو البلاش اللي فيه لمعة
ما راح يناسبك


بوبي براون تلقونها 
في هارفي نيكلز 
الفيصلية 


السعر ١٨٠ 



You Might Also Like

0 comments