تقييم اسأل مجرب : Dior lip glow مرطب ليب قلو من ديور - اسأل مجرب

9:04 م

السلام عليكم 

رجعت لكم اليوم بتقييم 
منتج مقدم من ديور للتقييم 

منتج سمعت عنه كثير 
Dior Lip Glow
color reviver balm 



المنتج باختصار عبارة عن مرطب شفايف 
طيب وش فرقه عن المرطب اللي بالسوق؟ 


جربته لمدة ثلاث أسابيع بشكل يومي 
يعني باليوم استخدمه مرتين أو ثلاث 

أول ما تحطينه تحسينه كريمي مره
 وفيه لمعه خفيفة وثابت مره يعني تحسينه 
يجلس و يرطب من قلب موب انه مثل 
المرطبات اللي بالصيدليه شوي وتلقينها اختفت 
لا هذا شي بطل من هالناحيه 



جميل مره لو كنتي انسانة
 شفايفك ناشفة  ورايحة فيها 


لونه شفاف لكن احس هه كنه 
يعطي لون خفييييف 
بس باليالله أشوفه يعني لا تعتمدين
 انه بيعطي لون

 اللي أسويه أنا احطه 
وأحط فوقه تنت او ملون الشفايف 
يعطي لوك جمييييل مره حلو لو تستعملينهم مع بعض للاستخدام اليومي 

او اللي يعنني منب حاطة مكياج بس اني
 متضبطة عن قولة اني منب حاطه ميك اب 




هنا بالصوره كل المرطب اللي جوه 
بعد ما استعملته لمدة
ثلاث اسابيع 


نجي للسؤال الأهم 

كم بيجلس معك؟ 
بالنسبه لي أشوف مستحيل يجس أكثر من 
شهرين وهالشي ممكن كثير يفكر هل 
يسوى أشتريه بهالسعر وهو يخلص بسرعة
الجواب هنا يعتمد عليك انتي وأهمية المرطب لك 

يعني مثلا 
لو انتي عروس وتجهزين احس لازم تشترينه 
بيفيدك مره بشهر العسل 
تخيلي تروحين شهر العسل 
وتحطين فازلين ماش ما ينفع لو
أنا رجلك بتحوم كبدي 
معليش اسفه بس ما احب
 الفازلين ولا ريحته ولا طعمه



المهم خلونا من المتزوجات والمعرسات 
نرجع لنا حنا الباقين 


هل مهم لنا؟ 
هالشي يعتمد عليك
يعني هل المرطبات العادية ماشية
 معك هل انتي أصلا من البنات اللي المرطب 
ما يهمك وما تحتاجينه ؟


بالنسبة لي أشوفه شي أحتاجه جدا وارتحت معه 
يرطب ويعطيني لمعه بنفس الوقت  وثابت
استخدمه كل يوم
وصار دايم معي بالشنطة حتى العلبة حلوة تصميمها جميل 


باختصار 
لو شفايفك ناشفه ويهمك المرطب الثابت لفترة طويلة وشكل العلبه 
بيعجبك 

لو آخر همك المرطب وماشيه معك مرطبات الصيدليه وما يهمك الشكل او الريحه 
ما راح تحتاجينه 

ديور 
تحصلونها ب 
دبنهامز
سيفورا 
باريس غاليري 
فافافوم 
وجوه

السعر 
١٦٠ 


You Might Also Like

1 comments

  1. غير معرف11/26/2014 10:30 ص

    يسلمو رنيم كنت محتاجه مرطب بطل زي هذا ♥

    ردحذف