تقييم اسأل مجرب : كريم شد البشرة النهاري Estee Lauder resilience lift cream

6:02 م

السلام عليكم 

رجعت لكم بتقييم 

كريم شد البشرة النهاري
Estee Lauder 
resilience lift cream 

المقدم من استي لودر للتقييم 


دايم اسمع عن منتجات 
استي لودر للعناية بالبشرة 
وما قد جربتها 
وكثير منكم يسألني عنها 



فاختبرته على بشرة وحدة اعرفها 
في نهاية الأربعين 

الكريم فيه حماية من الشمس بنسبة 
١٥ 
وهالنسبة جدا قليله يعني ما يمديك تعتمدين عليه 
كحماية من الشمس 

نجي للكريم ونتايجه 

الكريم من اسمه 
كريم شد البشره والرقبة

طيب هل فعلا يشد؟ 

هل فعلا تحسن بالفرق بالعين المجردة 

ولا انه ترطيب وعناية للبشرة المتقدمة في السن ؟ 






بالنسبة للكريم المرطب 
قوامه كريمي ثقيل وهالشي استغربته 
خصوصا انه موجه للبشرة المختلطة الى الدهنية 
بس تذكرت انه موجه للبشرات الأكبر سنا  
اللي تكون فقدت كثير من الرطوبة فيها بفعل العمر 

كيف نتايجه؟؟

بالنسبة لي أشوفه عناية ما راح يشد لك 
الجلد اللي مترهل يعني ماراح يشيل لك 
علامات الزمن تماما موب سحر هو
بس اللي يسويه انه بتلاحظين ان البشره 
مترطبة جدا ومتغذيه وصحية وتلمع 
ومع الوقت تخف الخطوط التعبيرية بسبب
العناية ومكونات تجديد الخلايا والترطيب 
وهذا الشي اللي بيعطي البشرة 
 الشكل الشبابي ومنظر واحساس مشدود وأصغر
لكن كشد قوي مثل نتائج العمليات الجراحية
 ما راح يقدم لك هالشي أكيد


السعر أشوفه نسبيا مرتفع 
فمحتاج ميزانية لو حابه تستمرين عليه 

باختصار 

لو عمرك بين
 ٤٥- ٦٥ 
ومحتاجه كريم عناية يساعد بتغذية البشرة 
وصحتها بهالعمر ويعطي منظر مترطب ومشدود للبشرة وميزانيتك مفتوحه بيناسبك 

لو عمرك صغير
 او 
تحتاجين منتج يشد البشرة
 بشكل واضح ويشيل علامات الزمن تماما
 او ميزانيتك محدودة 
ما راح يناسبك 

السعر 
٤٥٠ 


استي لودر متوفره 
في 


وجوه 
باريس غاليري 
سيفورا 

You Might Also Like

0 comments