أهم اصدار من استي لودر في ٢٠١٥ - Estee Lauder Re Netriv collection اسأل مجرب

5:13 م


السلام عليكم 

رجعت لكم هالأسبوع مع تقييم جديد 

Estee Lauder 
Re - Nurtiv collection 



اللي تعتبر من أكبر وأهم اصدارات 
استي لودر في مجال الميك اب في 
٢٠١٥ 

والمقرر نزولها في الأسواق السعودية 
في
 نص شهر يناير الحالي



المجموعة بشكل عام فكرتها انها تكون 
فاونديشن لكنه جامع عناصر تغذية وترطيب وعناية للبشرة اللي مشهورة 
فيها استي لودر في مجال العناية ومحاربة علامات تقدم سن البشرة
بنفس الوقت وهالشي اللي كنت دايم أدور عليه وأغلبنا 
ندور على فاونديشن فيه شي ممكن يفيدنا عالأقل 
بس يحوس بشرتها وبس 

طيب هل فعلا يفيد البشرة ويغيرها ؟ 
ووش سالفة هالمجموعة 

طيب خناخذها حبه حبه 


أول شي خلونا نمسك الفاونديشن الكريمي 
Re nutriv ultra 
radiance lifting cream makeup




اللي أول ما شفته لفت نظري 
أي أحد يعرفني يعرف اني اعشق الفاونديشنات الكريمية 
و أفضلها عالسائلة لأنها تعطي شكل جميل عالبشرة 
نرجع لسالفتنا 
الفاونديشن هذا جايك كريمي وترطيبه جميل ما تحسين انه 
بزيادة يرطب او يصير وجهك يلمع لين حطيتيه لأ 
بس تحسين انه كن بشرتك شبعانه موية ومرتاحه
بدون لمعة زايدة 
شكله عالبشرة حلو ومره طبيعي يغطي بس ما 
تحسين فيه على بشرتك 
واختبرته في كل انواع الاضائات وبنور الشمس
 اللي هو اسوأ شي 
وبيبن لك البشرة بأسوأ شكل بس مره ما يبان كنها بشرتك
ولا اللي يشوفك يحس فيه أو يحس انك مكثرة باختصار فاونديشن جميل مره 
يمكن العيب اللي لاحظته فيه انه ممكن بعد كم ساعة 
يخف وما يثبت وتحسين ان 
البشرة تمتصه فلو يهمك ان الفاونديشن يكون كثير 
وثابت طول اليوم حطي هالشي ببالك 
هالفاونديشن مخصص للبشرة العادية الى جافة 


ومع الفاونديشن فرشة تدهنين فيها الفاونديشن 
حلوة الفرشة بس أنا أفضل فرش 
اللي الدائرية اللي تدمج أكثر عشان ما تطلع خطوط عالبشرة 
بس شعرها ممتاز وهالشي لاحظته في الفرش حقت استي لودر 
لين حطوا لك فرشة موب انه يسكتونك بفرشة عن قولة اننا حطينا فرشة 
لا صدق تكون حلوه مثل يوم قلت لكم عن الفرشة اللي مع البرونزر اللي 
تكلمت عنه قبل 

السعر 
٤٧٥




الحين نجي للفاونديشن الثاني 

Re nutriv ultra 
radiance liquid makeup


وهو السائل 
بالنسبة لهالفاونديشن فيه نفس خصائص العناية والترطيب للفاونديشن اللي قبل 
بس انه ترطيبه أقل يعني مناسب مره للبنات اللي بشرتهم مختلطة او عادية 
لكن بنفس الوقت ما يحبون الفاونديشن الباهت او المات بزيادة 
هذا اللي يميزه تحسين ان البشرة مو باهته لكن مو مدهن لاهو يعكس النور 
فيعطيك لوك كنه وجهك منور هههههه " نور الايمان " المهم
جميل وطبيعي مره عالبشرة بس شخصيا حبيت شكل الفاونديشن الكريمي 
أكثر على بشرتي لان بشرتي عادية مائلة للجافه 

السعر
٤٣٠

بعدها 

نجي للكونسيلر أو خافي العيوب 
والبيس او البرايمر الخاص بتعبئة الخطوط 
الفكره انه تحطين البرايمر أول
وفوقه تحطيه الكونسيلر على الهالات أو الحبوب 

بالنسبة لهالكونسيلر خفيف وطبيعي مره ما يبين انك مكثرة 
بس ما ينفع لو هالاتك مره غامقة ما راح يغطيها كلها \
لكن لو هالاتك عادية الى خفيفه بيغطيها 
وممكن تحطينه عالحبوب والآثار خفيف وما يبين ثقيل عالبشرة 

السعر 
١٢٥ 



طيب هل هالمجموعة فعلا تفيد البشرة ؟ 
ما اقدر أحدد هالشي وأشوف فرق في البشرة الا لو استخدمتها لمدة سنة أو أكثر 
لكن هل هي تكتم  البشرة مع الاستخدام مثل باقي الفاونديشنات
لأ لاحظتها انها جدا خفيفة ومريحة عالبشرة 
وشكله عالبشرة ممتاز جدا جدا  تحسينه فاونديشن حلو 
ومبين عليه مو رخيص 
مو أي فاونديشنات اقول عنها كذا 





استي لودر 
متوفرة في 

دبنهامز 
سيفورا 
هارفي نيكلز 
وجوه 
باريس غاليري 





You Might Also Like

3 comments

  1. غير معرف1/09/2015 8:59 م

    لو سمحتي انا ابغى كريم اساس فولكفر لان بشرتي ملونه وابغى تظهر موحده وللاسف ما اقدراشتري من النت

    ردحذف
  2. غير معرف3/07/2015 3:58 م

    لو سمحتي أنا بشرتي جافة وحساسة في نفس الوقت وعمري فوق 40 وابغى اساس للسهرات تكون تغطيته حلوة ومناسب للتصوير

    ردحذف