تقييم اسأل مجرب : عطر توم فورد باتشولي ابسولو TOM FORD PATCHOULI ABSOLU

8:18 م

السلام عليكم 

رجعت لكم بتقييم جديد ! 
تقييم الأسبوع بيكون لعطر 

توم فورد 
باتشولي ابسولو

TOM FORD 
PATCHOULI ABSOLU




وش اللي يميز هالعطر عن غيره ومين يناسب؟ 



العطر من اسمه 

PATCHOULI ABSOLU

المكون الأساسي فيه 
الباتشولي 

يوم قريت اسمه توقعته بيعجبني  
لأن أغلب العطور اللي تعجبني ألاحظ ان نوتاتها الأساسية 
الباتشولي 

العطر أطلقوه في 
٢٠١٤ 
يعني نسبيا جديد وماسمعنا عنه كثير في الاعلام 


العطر 
مثل أغلب عطور توم فورد قوية جدا وريحتها ماييلة للشرقية 

العطر أول ما شميته 
حسيته رجالي أكثر وما حسيته يوني سكس 
ومرررره قوي بزيادة 




بعد ما يبرد العطر 
ريحته صارت أنعم وخف تركيز الريحة الرجالية 
بس بنفس الوقت لازال تحسينها خلطة ثقيلة ومركزة 
بس لازال مايل للرجالي بشكل كبير 


لاحظت ان هالعطر كل ما برد كل ما صار
أنعم وأخف من قبل
مثل أغلب عطور توم فورد 

العطر
تركيزة جدا عالي 
وثباته عالي جدا

نوتات العطر 

patchouli,amber,musk,leather

النوتات اللي أشمها 
الباتشولي والعنبر 

مين يناسبه هالعطر؟ 

الأشخاص اللي يحبون العطور الرجالية النسائية 
اللي يحبون ريحة الباتشولي والعطور الليمونية 
اللي يفضلون العطور المخلطة القوية والمركزة تركيز عالي 
اللي يحتاجون عطر ثابت لساعات طويلة 
اللي ما يحبون العطور اللي ريحتها انثوية بشكل طاغي 

مين ما راح يناسبه هالعطر ؟ 

اللي يحبون العطور اللي تغلب عليها ريحة الزهور والورد 
اللي يحبون العطور الناعمة والهادية 
اللي ما يحبون العطور المخلطة المائلة للشرقية 
اللي ما يفضلون ريحة الباتشولي والليمون بالعطور
اللي يفضلون العطور الناعمة النسائية


مكان الشراء 


دبنهامز
باريس غاليري 
سيفورا 
وجوه 




You Might Also Like

3 comments

  1. غير معرف4/01/2015 10:20 ص

    تكلامي عن العطور اكثر

    تكلامي افضل ١٠ عطور عندك
    ودخالي سلسلات العطور علي قناتك

    ردحذف
  2. http://tattarwar.com/ts2/register.php?ref=15

    ردحذف