تعديل وتغيير أسعار شانيل في كل دول العالم ! Chanel Global price change اسأل مجرب

1:04 م







سمعتوا عن تغيير وتعديل أسعار شانيل ؟  
بسبب ان فيه فجوة كبيرة بين سعر شانيل في أوروبا وسعرها في باقي دول العالم 
قررت شانيل تغيير أسعارها وتعطي سعر متقارب في كل بوتيكاتها في كل العالم 
كيف الأسعار ووش بيتغير ؟ 


مثلا عندكم في 

 هونج كونج والصين 
سعر شانيل في البوتيك وصل ل 
٦٠٠٠$ 
وبالبوتيك في فرنسا 
٣٥٠٠$ 
نص السعر تقريبا ! 

وهالشي اللي يخلي كل الناس تقريبا تشتري 
الماركات من أوروبا بما انه أوفر من غيره 

شانيل لاحظت هالمشكلة 
وقرروا يوصلون سعر الشنط لسعر قريب من بعض 
بين كل دول العالم 
بحيث محد يضطر انه يوصي أحد مسافر يجيب له 
أو يشتريها وهو مسافر 



وش سوت شانيل ؟ 

رفعت سعر شناطها في فرنسا لنسبة ٪٢٠
وخفضت سعر شناطها في آسيا بنسبة ٪٢٠

بحيث يكون السعر نسبيا متقارب في كل دول العالم 

أما سعر الشنط في أمريكا بيتم ثابت 

بس ليتهم ما رفعوها بفرنسا وأوروبا
ونزلوها بس في آسيا 
لأن بصراحة الأسعار كل مالها ترتفع مايحتاج ترفعونها 
حتى بأوروبا اللي كانت المكان الأرخص لأي أحد يبي يشتري منهم
وخصوصا ان آخر زيادة لأسعار شناطهم اللي سووها في بداية  ٢٠١٤ 
ما كملت سنة تقريبا 

هنا صورة لبوتيك شانيل في فرنسا قبل كم يوم بعد قرار تغيير السعر 
كثير قرروا يشترون قبل لا يرتفع السعر في فرنسا 




عموما هالقرار بيتنفذ 

من 

8 APRIL 2015 

يعني باقي كم يوم على هالشي 

ما وضحوا أو صرحوا كيف بتكون الأسعار بالسوق الخليجي 
بعد تعديل الأسعار 
لكن بشكل عام لازم ينزلونها عن اسعارها الحالية 
ويقربونها بعد من أسعار البوتيكات بأوروبا 
لأن فرق السعر اللي صاير عندنا بالخليج عن أوروبا موووب صاحي 



هنا جدول يوضح سعر 
شنطة 

Classic Flap medium 

و

Le boy small

بعد تعديل الأسعار في بعض دول العالم 






الدولةالسعر اليومالسعر بعد ٨ ابريل
أمريكا$4,900$4,900
أوروبا€3,550€4,260
السعر بالدولار الأمريكي$3,880$4,650
الصين¥38,200¥30,000
السعر بالدولار الأمريكي$6,163$4,840
سنغافورة $7,550$6,660
السعر بالدولار الأمريكي$5,224$4,873
هونج كونج$43,200$34,000
السعر بالدولار الأمريكي$5,570$4,400
الدولةالسعر اليومالسعر بعد ٨ ابريل
أمريكا$4,300$4,300
أوروبا €3,100€3,720
السعر بالدولار الأمريكي$3,400$4,070
الصين ¥32,700¥26,000
السعر بالدولار الأمريكي$5,274$4,193
سنغافورة$6,850$5,820
السعر بالدولار الأمريكي$5,012$4,258
هونج كونج$37,000$29,700
السعر بالدولار الأمريكي$4,780$3,900


You Might Also Like

5 comments

  1. السلام عليكم و رحمة الله و بركاته .

    اتفق معاك في نقطة انو ليتهم خفضوها في آسيا ولا رفعوها في اوروبها .

    لاكن السؤال الي محيرني ليه امريكا ما غيرت في اسعارها ؟


    سلمت يداكِ .

    ردحذف
  2. غير معرف4/07/2015 8:18 ص

    امريكا صارت وسط بينهم

    لاحظي الاسعار

    ردحذف
  3. السلام عليكم..

    من وين جبتي جدول الاسعار لو سمحتي؟


    شكرا

    ردحذف
  4. بطره شنطه ب٣٠٠٠ دولار والله حرام

    ردحذف
  5. أهلا حبيبتي ،
    أمس فريت مدونتك فره بسيطه ،
    وبما إنك خبره ماشاءالله
    أبي أسألك عن شنط لحفظ المجوهرات وين ممكن أحصلها في أي المحلات؟
    أنا في الرياض

    أكون شاكره لك والله ❤

    ردحذف