تقييم اسأل مجرب : كولكيشن سندريلا من ماك ! MAC Cinderella collection

4:39 م





رجعت لكم هالأسبوع مع تقييم جديد ! 
لمجموعة ماك الجديدة 
Cinderella Collection
المستوحاة من فلم دزني الجديد
سندريلا ٢٠١٥ 




وش رايي بالكوليكشن ؟؟ 


أول شي لفت نظري الألوان والباكيجينق 
١٠ على ١٠ 
لون الأزرق السماوي أو البيبي بلو وتضاربه مع اللون الذهبي أنيق
والمجموعة كلها مائلة لدرجات البينك 
فالألوان كلها جايه متناسقة مع بعض وجميلة 

نجي الحين للشي الأهم 
المنتجات 

أول شي بتكلم عن 

IRIDESCENTS POWDER
couple d'chic



أول مره أجرب هالنوع من الباودرز عندهم 
فكرته من اسمه انه فيه قليتر واضح 
وبنفس الوقت نفس البودرة فيها شيمر أو لمعة غير القلتر 
يعني نقدر نقول مستحيل تستعملينها بشكل يومي 
لكن أشوفها جميله للمناسبات والزواجات 

كيف تستعملينها ؟ 



البودرة هذي ممكن تستعملينها لاستعمالات كثير 
بس أول شي جا ببالي اني استعملها ك شادو 
لأن لونها يجنن ولحمي على بينك ويقلب على ذهبي 
ومع القلتر حسيته بيكون جميل كشادو لعزيمة أو زواج 
مع كات آي 
ممكن تستعملينها فوق البلاشر على راس الخد 
لو ما عندك مانع ان القلتر يبين لأنه قوي وواضح 

وممكن تستعملينها كاضائة ولمعه للجسم للمناسبات 
بعد ما تحطين فاونديشن 
تجيبين فرشة وتدمجينها مع الفاونديشن للجسم 

بس شخصيا ما أحب البودرة او الشادو القلتر كثير 
الا عالعيون للمناسبات ممكن يطلع لوك حلو وجميل 
لو كان اللون هادي ومدموج بشكل جميل 

السعر 
١٦٠ 


الحين نجي للروج 

POLAR 


اللون بيبي بينك 
والفينش حقته تقريبا ساتن 
يعني يعطيك ترطيب ولمعه للشفايف
اللون هذا أشوفه جميل عالبشرات البيضاء 
والسمراء يطلع عليها جميل لأنه يعطيك نود على بينك 
فما يعطيك شكل كنك ميته 
وحتى لو كنتي حنطية مثلي بيناسبك بعد
بس أشوفه أجمل عالبيضاء أو السمراء
ترطيبه جدا عالي وبالنسبه للثبات مو عالي 
مثل ما أقولكم دايم كل مازاد الترطيب خف الثبات 
والعكس 


السعر 
١٢٠ 





الكوليكشن ليمتد أديشن و تقرر نزوله في جميع معارض 
MAC 
في السعودية 
في شهر ابريل الحالي 


وش رايكم بهالكوليكشن؟ 






You Might Also Like

2 comments

  1. الشكل مغري و جميل ^^
    الألوان حالمه فيها هدوء و جاذبيه
    حبيت أنك طرحتي إستخدامات البودره وحالياً ينقصني هالشيء
    ماعندي ثقافة تنويع الأدوار في أغراض الميك أب
    يعني شريت إضاءه أو شدو أو بلشر استخدمهم فقط لهذا الغرض
    مره شكراً على طرحك المتجدد ، الله يحفظك بحفظه جدياً أسرع وحده في طرح
    المنتجات ومواكبة السوق وتقريباً كل شيء ببالي أدور عليه بمدونتك ألقاه يسلم عمرك يابعدي

    ردحذف
  2. شكرا رنيم ❤️ احب مدونتك و انتي قدوتي في الجمال والبشرة ❤️ شكررررررا من قلبي ❤️

    ردحذف