عطور الزهور من جو مالون - Jo Malone Blue Skies & Blossom Collection

3:58 ص



جو مالون اللي تتميز بعطورها الكثيرة وتنوعها
 أطلقت اصدار صيفي جديد من عطورها 
هالاصدار نازل ليمتد أديشن أو لفترة محدودة وبينقطع
وش هالمجموعة ووش رأيي فيها بعد ما استخدمتها ؟ 

المجموعة نازلة بنوعين 

العطر البينك 
sakura cherry blossom

العطر البنفسجي 
plum blossom




 الريحتين متقاربة لكن تختلف بشكل بسيط البينك أنعم وأبرد والبنفسجي أدفى

النوتات الواضحة في العطر البينك 
زهرة الكرز الياباني - البرقاموت - الورد 

النوتات الواضحة في العطر البنفسجي
زهرة البرقوق - المسك  

هالمجموعة بشكل عام ريحتها جدا ناعمة وباردة وحلوة 
 وفيها ريحة زهور ناعمة وخفيفة

مكتوب عليه
 cologne 
يعني بيكون أخف نوع من الروايح اللي يصدرونها 


وهذا هو الشي اللي ما حبيته في هالمجموعة 
انها خفيفة بزيااادة وثباتها خفيف جدا وتطير بعد كم
ساعة وأنا من الناس اللي تعشق العطور القوية والثقيلة 

وأحس ان العطور الثابتة فيها سعرها خصوصا ان هالعطر 
 مو رخيص وهالشي ما شفته في هالاصدار من جو مالون 
كان جدا خفيف حسيته أقرب للبودي ميست 
وعطر للجسم مو عطر فواح وقوي 


الريحتين جميلة جدا بس كانت محتاجة تكون أقوى وثابته 
مثل بعض اصداراتهم اللي سبق وجربتها 

لكن لو كنتي من الناس اللي تحب الروايح الهادية والناعمة 
وما عندك مشكلة انها تكون مو ثابته وخفيفة 
أو تدورين عطر ناعم للجسم بعد الشاور 
ممكن تناسبك 



مري على أقرب فرع جو مالون وشميها بنفسك 

الأسعار التقريبية 
٥٥٠ ريال 

فروع جو مالون 

المملكة 
غرناطة 
حياة مول 








You Might Also Like

1 comments