اطلاق مكياج خريف ٢٠١٥ من ديور Dior fall 2015 makeup

9:42 م


أطلقت ديور قبل فترة عرض أزياء خريف / شتاء ٢٠١٥- ٢٠١٦
وكان الميك اب آرتست في الفاشن شو 
Peter Phillips

ديور ارسلت المجموعة للتقييم وعرض التجربة
وش رأيي بالكوليكشن؟؟

أول شي خلينا نشوف كلام فيليب عن المجموعة
" اضغطي زر CC "
في أسفل الفديو
عشان تطلع لك الترجمة باللغة اللي تختارينها



خلونا نشوف الكوليكشن وتقييمه


Dior Addict
fluid shadow 
025 
magentic 

هو عبارة عن شادو سائل باللون الفضي أول مره أجرب هالتركيبه
لونه قويييي وثااابت تحطينه وتتركينه كم ثانيه وينشف ومستحيل يتحرك 
حلو لو تحطينه ك آي لاينر خط رفيع فوق الكات آي الأسود أو على طرف خط الكحل الأسود
 او ممكن تستخدمينه بيس شادو للمناسبات فقط ما يناسب أبدا الصباح وشخصيا ما احطه ك شادو
قوي لونه بالنسبة لي لكن ك بيس او لاينر حلو وغريب كتغيير

السعر
١٥٠


Dior Vernis 
785
cosmopolite

مناكير ديور من مناكيري المفضلة تركيبتها جمييله وثقيله وتنشف بسرعة 
ممتازه لو وراك طلعة ومستعجله وتحتاجين مناكير ينشف بسرعة 
بس تحتاجين ترجعين تحطين منها بعد كم يوم لأنها تتقشع بسرعة مع الموية 
اللون جميل ويناسب أغلب درجات البشرات 
بالتصوير طالع أغمق شوي لكن درجته عنابي على لحمي شوي

السعر
١١٠



Dior Addict fluid stick 
499
Avant - Garde

روج سائل لونه لحمي 
أول مره أجرب من عندهم الروج السائل ، الروج تركيبته لمعه وفيه قلوس 
يعني مو مثل الروج السائل اللي يصير مات بعد ما ينشف 
مريح عالشفايف ويناسب الصباح لأن لونه جمييل لحمي 
مناسب للبشرات الحنطية والسمراء أكثر من البيضاء

السعر
١٣٠


5 Coulerurs cosmopolite
766
Exuberante

علبة شادوات جميلة شكلها لحالها جميل وألوانها أجمل 
جامعتلك الألوان اللحمية والبيج والبني والنيلي 
الاثنين اللي فوق مات مطفي بدون لمعة 
والاثنين اللي تحت بلمعة بسيطة 
واللي بالنص لمعته قوية 

الشادوات  ثابته وكريمية وما حسيتها تهر أو توصخ الميك اب مع الوقت

السعر
٢٣٠


DiorSkin Nude 
Cosmopolite 
001 

اضائة شكلها جميل ،أحب ان ديور تهتم مره بشكل المنتج ومو بس بالتركيبه 
الاضائة لحمية وهادية مررره حبيت انها مختلفه عن الاضائات اللي قد عرضتها لكم 
ما فيها لمعة قوية أو قلتر وهالشي يخليك تقدرين تستعملينها في أي وقت باليوم 
وما تلتزمين فيها فقط كاضائة مناسبات والجميل ان لونها مو فاتح مره مناسب 
للبشرات الحنطية او السمراء 

السعر
١٨٥





Sourcils Poudre
powder eyebrow pencil 
693
dark brown

بودرة حواجب على شكل قلم أول مرة اجرب قلم حواجب مو واكس او شمعي
القلم غالبا كثير ناس تخاف تستعمله لأنهم يحسونه يخرب شكل الحواجب 
لكن اشوف هالقلم ممكن تستفيدين منه لو حابه ترسمين الحواجب شعره شعره 
او تكثيف او رسم الأطراف او حتى رسم الحواجب لكن لااازم تكون يدك خفيفه معه 
لو كانت يدك خفيفه معه راح يرسملك الحواجب بشكل مريح وسريع 

السعر 
١٠٠

بشكل عام أشوف الكوليشن حلو ورايق 
وألوانه هادية ومناسبة للصباح والمساء والمناكير جميل لونه
 " باستثناء الشادو الفضي اللي يعتبر مسائي وصارخ "  
وحلوه هالألوان للخريف بما اننا داخلين الخريف والشتاء هالفترة 

هنا فديو مدونة الأزياء هانيلي استخدمت فيها بعض المنتجات من هالمجموعة  



المجموعة نزلت في كل كاونترات ديور بالسعودية
مري عليها وجربيها يمكن تناسبك 



ديور متوفرة في كل محلات المكياج الكبيرة 

وجوه 
ساكس 
سيفورا 
دبنهامز 
فافافوم 
باريس غاليري 



You Might Also Like

1 comments