دراي شامبو من صانسيلك ! Sunsilk Dry Shampoo

6:39 ص



رجعت لكم مع ريفيو جديد من شركة صانسيلك 
صانسيلك من أشهر الشركات اللي كبرنا معها في مجال العناية بالشعر 
منزلين دراي شامبو جديد بأنواع مختلفة 

أرسلت صانسيلك مجموعتها الجديدة للتقييم 
وش رأيي في المجموعة؟؟




سبق وتكلمت لكم عن الدراي شامبو واني ما استعمله ولا أحبه شخصيا 
أفضل اني اغسل شعري 
على اني استخدمه لأسباب بسيطة 
...احس تنظيف الشعر بالشامبو هو الشي اللي ارتاح له 

وأحس ان شعري مو نظيف الا اذا غسلته ولا تقنعني بخاخات الدراي شامبو 

السبب الثاني
اني كنت اذا استعملت الدراي شامبو احسه يخلي الشعر باهت 
ومدي كيف لونه يقلب ويفقد حيويته ويصير شكله ماصل


المجموعة مصممينها بالتعاون مع أهم خبراء الشعر ومصففين الشعر العالميين 
وهالشي حلو يعني مين يعرف كيف يتعامل الواحد مع الشعر أكثر من اللي 
يشتغلون بهالمجال بشكل يومي ويتعاملون مع كل أنواع الشعر دايم 



طريقة استخدامه سهلة
 - تبخين تفركين وتمشطين -

بعد ما جربته أول مره لاحظت ان قوامه جدا خفيف 
غير عن الدراي شامبو الثاني اللي قد استعملته 
وهالشي كان في صالح هالمنتج لانه ما حسيت كني قاعدة أحط بودره براسي 
واسد المسام ، الشي الثاني انه ما يغير لون الشعر او يبهته او يشيل كل نقطه حياة بالشعر مثل غيره
يعني تقدرين تقولين دراي شامبو خفيف ومريح للشعر 

تقريبا اقدر اقول ان هالمنتج خلاني استوعب الدراي شامبو أكثر 
بما انه أفضل واريح من غيره من الدراي شامبو الموجود بالسوق

جربت حق الشعر الدهني أول شي يعني المفترض يكون هو أقوى نوع 
فمبدئيا 
أشوف انه منتج حلو للبنات اللي يستعملون الدراي شامبو بكثره 
لأنه مو ثقيل على الشعر مثل غيره من الأنواع اللي تخرب شعرك وفروتك 
ولا تحسين انه يتعبى بالمسام ويسدها او يخلي شعرك كنه مقشه من الجفاف
بالنسبة للريحة ما لاحظت يعطيك ريحة قويه مثل غيره فلو متعودة عالأنواع 
اللي لها ريحه 
هذا ريحته أهدى وأخف منهم 
يعني لو كنتي تحبين الدراي شامبو جربيه يمكن يناسبك 

نازل منه ٣ أنواع 


للشعر المصبوغ 



للشعر العادي 


للشعر الدهني 

ما أقدر أقول اني لاحظت فروقات واضحة بين كل واحد من الثلاثة
تقريبا الثلاثة عطوني نفس النتيجة 
لكن أنصحك تاخذين النوع المخصص لنوع شعرك 
لو بتستخدمينه على المدى الطويل

متوفر في كل الصيدليات والسوبر ماركت

السعر 
٢٠ ريال

You Might Also Like

2 comments

  1. غير معرف2/13/2017 5:46 م

    جربته و للأسف ما عجبني ريحته قوية جدا و تكتم مررره ما اعجبني
    و كمان ما حسيته يخفف من الدهون بالشعر
    و يخي الشعر لونه ابيض حتى بعد ما تمشطيه و تفركيه
    منتج سيء .... النوع اللي افضل منه و انصح به هو batisto ماله ريحة قوية و مفعوله كويس

    ردحذف