تقييم كوليكشن ماك MAC veluxe a trois collection

12:42 ص



رجعت لكم هالأسبوع مع تقييم لكوليكشن ماك 

MAC
 veluxe a trois collection 

طبعا أغلبكم يعرف انه ماك من الشركات المفضلة عندي في الميك أب 
بس بكون موضوعية بحكمي على هالكوليكشن كالعادة



أول شي نشوف الشادوات 
Cool Companions
Collective Chic



الكوليكشن نازل بشادوات تركيبتها
Veluxe pearl 
طبعا التركيبة هذي من التركيبات المفضلة عندي 
تجيك كريمية مرة وبنفس الوقت فيها لمعة حلوة تناسب استخدام المناسبات فقط برأيي 
الشادوات ما عليها كلام ولا تهر أو توصخك وأشوف هم الأفضل في مجال الشادوات بدون منازع 
والألوان حلوة ومناسبة للخريف والشتاء 

السعر 
١٥٠



الأرواج 
Quelle Surprise
(all LE) 



طبعا كلنا نحب أرواج ماك بس عن نفسي موب كل التركيبات تعجبني 
توقعت يوم شفت اللونين ان التركيبة بتكون مات يمكن لأني أحب المات 
وهو الدارج والماشي حاليا ولأنه يثبت مره عالشفايف 
بس تركيبتهم كانت creamsheen
يعني كريمية وفيهم ترطيب اللونين ممتازين وحلوين للخريف والشتاء 
بس التركيبة ما ناسبتني لأنها موب بثبات المات وممكن تخف بعد ساعتين 
بس تناسب البنات اللي شفايفهم ناشفة ويفضلون الأرواج اللي ترطب
 واللون بالصدق اذا حطيتيه أخف من اللي بالعلبة 
يعني يطلع لونه أفتح من شكله بالعلبة 

السعر 
٩٥



القلوس 
(all LE)


نجي للقلوس 
تركيبته creamsheen
يعني كريمي وثابت بنفس الوقت بس فيه لمعة طبعا مثل أغلب قلوسات ماك 
تلصق على خفيف بس ثباته قوي ولونه حلو بالذات اني ما احب القلوس الغامق 
لو بستعمل قلوس يكون غالبا فاتح ولو اني منيب مره استعمل قلوسات هالفترة 
واستعمل بس أرواج مات بما أن هذا اللي دارج

السعر 
٩٥


المسكرا
Mac Upward Lash



مسكرا أول مره أدري انها عندهم 
سعنونه فرشتها 
يقولون تناسب مره البنات اللي رموشهم قصيرة وخفيفة واللي يأسوا من شي يطولها وفرشه تسحبها
 لأنها صغيرة تلقينها  تسحب كل رمش معها
ما يمدي ولا رمش ما تلقطه لأنها صغيرة وممتازة بعد للرموش السفلية 
شخصيا أشوفها ممتازة للي رموشهم قصيرة 
تلقط كل رمش وتطوله بطريقة طبيعية ومو أوفر
بس عيبها ما تكثف أبدا بس شغلها عالتطويل
يعني اللي رموشها خفيفه ما تناسبها هالمسكرا بس اللي عندها مشكلة بالطول بتناسبها
وانتبهي وانتي تستعملينها امسكيها من الجذر وكثفي الجذور واسحبي 
عشان لا تكتل الأطراف 
وبالنسبة للرموش السفلية أشوفها ممتازة لأن قليل تلقين مسكرا 
تلقط لك كل رمش تحت عينك وممكن توصخك أما هذي لأ 
المسكرا سمعت انهم بيخلونها من الكوليكشن الدائم عندهم 

السعر 
١٠٠

الكوليكشن متوفر في كل فروع 
MAC 
روحي المحل وجربيها يمكن تناسبك 


You Might Also Like

2 comments