اطلاق مجموعة kerastase chronologiste !

5:08 ص




أضافت شركة
 kerastase
مجموعة جديدة للعناية بالشعر وهي مجموعة 
chronologiste 
يقولون انها متخصصة بتجديد الشعر وترجيع الحيوية له والعناية بالفروة وتقشيرها

كيف كانت التجربة؟؟ 



أول شي نجي لمقشر الفروة 
اللي يقولون انه يكون أول خطوة في الاستخدام تبللين الشعر وتقشرين فيه وبعده تغسلين بالشامبو
بصراحة أول مرة اجرب منتج مقشر لفروة الراس مع اني استخدم منتجات طبيعية 
عشان تنظف الفروة وتقشرها ذكروني أسوي فديو عنها 
المهم فتحت العلبة وشفت المنتج لقيت فيه زي الحبيبات للتقشير بس مرة خفيفة 
وقلتر .. ايه قلتر شي غريب انه قلتر يكون بمنتج ينحط عالفروة مدري وش الهدف بس الريحة طبعا 
كانت خيالية ..المنتج حلو تحسين يسوي لك مساج لكن أبدا ما اشوف انه يقشر 
أو يسوي شي غريب يخليني أقول انه مست هاف أو شي لازم يكون عند كل بنت
باختصار لو بس تبين تدلعين فروتك وكذا جيبيه لكن لو تبين شي مفعوله قوي 
ما شفت فيه هالشي 



الخطوة الثانية الشامبو 

الشامبو حلو وما عليه غبار أحس يعطي الشعر حيوية أكثر 
وينظفه وما يخليه لاصق بالفروة لكن بدون ما ينشفه وريحته مره حلوة بعد 
يعني تقريبا ابستعمله مثلا لو عندي مناسبة مهمة وابي شعري يبين أكثف من حجمه
ويصير فيه حيوية ويمسك التسريحات



السيروم 

مكتوب عليه زيت عطري للشعر 
يعني هو مجموعة زيوت للشعر تستعمل مثل السيروم عالشعر المبلول 
ريحته مسك على عنبر بس ما حسيتها واو ريحة الشامبو أحلى منه
يرطب الشعر ويشيل النفشة بس لا تكثرين منه عشان لا يلصق الشعر 
تقريبا أنا احطه بس عالأطراف  بس ما حسيته بصراحة مست هاف 
أو شي مقدر أعيش بدونه حلو ويرطب بس ما شفت نتائج ثانية 

الأسعار 
معروف عن كيراستيس أسعارها مرتفعة مقارنة 
بمنتجات الشعر الثانية 
كل منتج تقريبا ب ١٠٠ سعره بالسوق 
ف غالبا اذا كان السعر مرتفع يكون فيع توقعها عالية للمنتج 
عشان كذا كنت نوعا ما دقيقة بحكمي 
انه هل يستاهل السعر أو فيه بدائل اخرى 

kerastase 
متوفرة في الصالونات الكبيرة 
ومحلات تجهيز الصالونات مثل 
نزيه وغيره 

جربتوا منتجاتهم؟؟ 
كيف كانت تجربتكم أو منتجكم المفضل من عندهم ؟ 

You Might Also Like

1 comments